बिर्तामोड । दिलिप कुमार चौधरीले दोस्रो मिस्टर कञ्चनजंघा बडिबिल्डिङको उपाधी जितेका छन् ।
कोशी प्रदेश खेलकुद विकास बोर्डको मुख्य आयोजना तथा बडी ग्यारेज बिर्तामोडको संयोजनमा सम्पन्न च्याम्पियनसिपको शुक्रबार ,बिर्तामोड सिटी सेन्टरमा भएको प्रतिश्पर्धामा ओभरलमा ६५ किलो तौल समुहका चौधरीले उपाधि हात पारेका हुन् । उनले नगद ३ लाख ११ हजार १ सय ११ रुपैयाँ हात पारे । उनी डिएनपी फिटनेस गाइघाटबाट सहभागी भएका हुन् ।
यस्तै प्रतियोगितामा ७० किलो तौल समुहबाट केज टोटल फिट्नेस इलामका सनम लिम्बु दोश्रो, ७० किलो तौल समुहबाटै धरान फिट्नेसका संदिप गिरी तेश्रो, ५५ किलो तौल समुहबाट उर्लाबारीका धर्मराज खापुङ चौँथो र ७० किलो तौल समुहबाट नेपाल पुलिस क्लब हेटौँडाका अजय मल्लिक पाँचौ भएका छन् । उनीहरुले क्रमश २ लाख ५० हजार, १ लाख ५० हजार, १ लाख र ७५ हजार रुपैयाँका साथै मेडल, ट्रफी र प्रमाण पत्र प्राप्त गरेका छन् ।
तौल समुह अन्तर्गत ५५ किलौ तौल समुहमा धर्मराज खापुङ पहिलो, प्रवित राजवंशी दोश्रो र दिवश श्रेष्ठ तेश्रो भए । यस्तै ६० किलो तौल समुहमा अजय मल्लिक पहिलो, विनोद कार्की दोश्रो र युवराज बस्नेत तेश्रो भएका छन् ।
यसै गरी ६५ किलो तौल समुहमा दिलिप कुमार चौधरी पहिलो, हर्कबहादुर राई दोश्रो र ओशन कार्की तेश्रो भए। यस्तै ७० किलो तौल समुहमा सनम लिम्बु पहिलो, मदन कुमार योङहाङ दोश्रो र सागर राई तेश्रो भएका छन् ।
७० किलो माथिको तौल समुहमा भने २ जना मात्रै सहभागी थिए । शुक्रवारर सम्पन्न प्रि जजिङमा ३ जना सहभागी भएपनि एक जना खेलाडी कोशी प्रदेश बाहिरको भएकोकारण आउट भएका थिए । बाँकी रहेका २ जना मध्ये संदिप गिरी पहिलो र प्रशिद्व भक्त राई तेश्रो भएका छन् ।
विजेताहरुलाई कोशी प्रदेश खेलकुद विकास बोर्डका सदस्य सचिव हंसराज वाग्ले, सहारा नेपाल साकोसका कार्यकारी निर्देशक महेन्द्र गिरी, जिल्ला खेलकुद विकास समिति झापाका अध्यक्ष प्रशान्त भण्डारी, प्रतियोगीताका अध्यक्ष अर्जुन मैनाली, कार्यक्रम संयोजक राम दाहाल लगायतले पुरस्कार प्रदान गर्नु भयो ।
समुहगत रुपमा दोस्रो र तेस्रो हुने खेलाडीलाई पनि जनही १० हजार र ५ हजार रुपैंयाँ पुरस्कार प्रदान गरिएको थियो । प्रतियोगिता आयोजकले सोचेअनुरुप भव्य र सभ्य तरिकाले सम्पन्न भएको सचिव राजेश गिरीले जानकारी दिनु भयो । गत वर्ष सम्पन्न प्रथम मिस्टर कञ्चनजंघा बडिबिल्डिङ च्याम्पियनसिपको उपाधी विकास तामाङले जितेका थिए ।
बिर्तामोड, झापा — झापा गोल्डकपका पूर्वअध्यक्ष तथा बिर्तामोडका चर्चित युवा उद्यमी विनोद बस्नेत आफ्नै निवासमा…
बिर्तामोड- झापाको बिर्तामोडमा क्राइटेरियन एजुकेशन फाउण्डेशन सञ्चालनमा आएको छ । नयाँ वर्षको थालनीसँगै बिर्तामोडमा क्राइटेरियन…
काठमाडौँ — त्रिभुवन विश्वविद्यालयले जापानको युनिभर्सिटी अफ इन्फरमेटिक्स कोतो (केसीजीआई) सँगको सहकार्यमा प्रविधिमैत्री संगीतसम्बन्धी नयाँ…
काठमाडौँ – आमाको मुख हेर्ने पर्व : श्रद्धा, भक्ति र आशीर्वादको अनुपम अवसर हरेक वर्ष…
बिर्तामोड , २०८०, २२ जेष्ठ सोमबार बिर्ताबजार स्थित महेन्द्ररत्न माध्यमिक विद्यालय अगाडि विश्व वातावरण दिवसका…
झापा। मञ्जुश्री अशाहाय संरक्षण केन्द्र, झापा शाखाको नेतृत्वमा नयाँ ऊर्जा थपिँदै मञ्जु ओलीले अध्यक्ष पद…