झापाको माईधार दोमुखा सडक कालोपत्रे

झापाको शिवसताक्षीमा रहेको पर्यटकीय स्थल दोमुखा जाने सडक कालो पत्रे भएको छ । माईधार–दोमुखा खण्डको करिव २९ सय मिटर लामो सडक कालो पत्रे भएको हो ।

उक्त सडक निर्माणका लागि शिवसताक्षी नगरपालिकाले ४ करोड २४ लाख ८३ हजार २४५ रकम विनियोजन गरी कालो पत्रेको काम अघि बढाएको थियो ।

जसमा शिवसताक्षी नगरपालिकाको रु २ करोड २४ लाख ८३ हजार २४५ रुपैयाँ र संघीय समपूरक कोषको रु २ करोड रकम रहेको थियो । सडक ढलरहित ७ मिटर चौडाई कालोपत्रे भएको छ । जसमा तीनवटा बक्स कल्र्भड र दुई वटा ह्युमपाइप समेत निर्माण गरिएको छ ।

माईधार दोमुखा सडक खण्ड सहित वरुण यन्त्रलाई चुनावी घोषणा पत्रमै प्राथमिकतामा राखेका नगर प्रमुख मेगाहाङ्ग थोप्राले पदभार ग्रहण गरेको एक बर्ष पूरा हुननपाई आफ्नो प्रतिवद्दता पूरा गरेका हुन ।