रैनादेवीछहरामा बस दुर्घटना, ६ जनाको मृत्यु १८ जना घाइते

पाल्पा २२ पौष
पाल्पाको रैनादेवी छहरा गाउँपालिका ८ मा राती भएको बस दुर्घटनामा परि घटनास्थलमै ६ जनाको मृत्यु भएको छ भने अन्य १८ जना घाइते भएका छन् । सालझण्डी ढोरपाटन सडक खण्ड अन्र्तगत टाडीमा बस दुर्घटना भएको जिल्ला प्रहरी कार्यालयका सूचना अधिकारी बिरेन्द्र थापाले बताउनु भयो । साझण्डीबाट रैनादेवीको खुर्साने तर्फ आउदै गरेको ग १ ख ४९७७ नम्बर बस सडकबाट करिब १०० मिटर तल खसेर दुर्घटना भएको प्रहरीले जनाएको छ ।
दुर्घटनमा एउटै वडा रैनादेवी छहरा ८ बस्ने ६ जनाको ज्यान गएको हो । ३६ बर्षिय निर्मला घिमिरे, निर्मलाको छोरी बर्ष १९ को सरुमाया घिमिरे, बर्ष ५४ को खिम कुमारी राना, बर्ष ४० को गुना कुमारी राना, बर्ष २९ को दान कुमारी खत्री र बर्ष १९ को बिमा पाण्डेको घटना स्थलमै ज्यान गएको प्रहरीले जनाएको छ ।
१२ जना घाइतेहरुको लुम्बिनी प्रादेशिक अञ्चल अस्पताल बुटवल र ६ जना एड मन सि.टी हस्पिटल जितगढी बुटवलमा उपचार भइरहेको छ । घटनास्थल सालझण्डी -ढाेरपाटन सडकखण्ड अन्तरगत रुपन्देहीको सालझण्डीदेखि करिब १० किलोमिटरको दुरीमा पर्दछ ।