बझाङमा भुकम्पबाट ६ जना घाइते विस्तृत विवरण आउन बाँकी

धनगढी – मंगलबार दिउँसो गएको भूकम्पका कारण बझाङमा ६ जना घाइते भएका छन्।

चैनपुर केन्द्रविन्दु भएर आएको भूकम्पका कारण ६ जना घाइते भएका जिल्ला प्रहरी कार्यालयले जनाएको छ। सत्यवादी मावि भोपुरका चार विद्यार्थीसहित पाँच जना र केदारस्युँ गाउँपालिकाका एक जना गरी ६ जना घाइते भएका जिल्ला प्रहरी कार्यालयका प्रहरी निरीक्षक दिपेश चौधरिले जानकारी दिए। घाइतेहरूको जिल्ला अस्पतालमा उपचार भइरहेको छ।

भूकम्पका कारण पहिरो गएपछि जयपृथ्वी राजमार्ग अवरुद्ध भएको प्रहरीले जनाएको छ। राजमार्गका ठाउँठाउँमा पहिरो जाँदा गाडी आवतजावत रोकिएको छ। अझै भूकम्पको विस्तृत विवरण आउन बाँकी छ।