मोरङ – मोरङस्थित आरती स्ट्रिप्स उद्योगको मालसमानसहित पहिलो पटक कार्गो रेल विराटनगरको बुधनगरमा आइपुगेको छ।
भारत भ्रमणमा रहेका प्रधानमन्त्री पुष्पकमल दाहाल र भारतीय प्रधानमन्त्री नरेन्द्र मोदीले बिहीबार झण्डा फरफराएपछि भारतीय क्षेत्र बथनाबाट कार्गो रेल विराटनगर–१८ स्थित कस्टम यार्ड आइपुगेको हो।
एकीकृत जाँच चौकी नजिक रहेको कस्टम यार्डमा मालवहाक रेल हेर्न सर्वसाधारणको उल्लेख्य भीड रहेको छ। पहिलो पटक औपचारिक रुपमा विराटनगर भित्रिएको रेलको ४३ वटा र्याकमा आरती स्ट्रिप्सको स्टिल तथा फलामका समान ल्याएको छ।
उद्योगी सुवोध कोइरालाले कार्गो सेवाबाट उद्योगीलाई ढुवानी खर्च र समयको बचत हुने बताएका छन्।
उद्योगी कोइरालाले सडकबाट समान ल्याउँदा भन्सारसम्म कम्तीमा ४ दिन र भन्सारमा ३ दिन गरी एकसाता लाग्ने हुँदा कार्गो सेवामा २ दिनभित्र समान गोदाममा प्रवेश हुनेछ।
कार्गो सेवाबाट समान ल्याउने क्रममा भारतको कोलकाता बन्दरगाहबाट २ दिनभित्र सिधै बुधनगर कस्टम यार्डमा आइपुग्ने उनले बताए। यस सेवाले पूर्वी क्षेत्रका उद्योगी व्यवसायीलाई राहत हुने बताए।
अर्कोतर्फ, भारतको बथनाहाबाट नेपालको कटहरी गाँउपालिकासम्म १८ दशमलव ६ किलोमिटर रेल सेवा निर्माणमा छ। यद्यपि, जग्गा मुआब्जा विवादका कारण विराटनगरको बुधनगरसम्मको ८ किलोमिटरमा मात्रै रेल सञ्चालन हुनेछ।
२५ भदौ, काठमाडौं । त्रिभुवन अन्तर्राष्ट्रिय विमानस्थल सुचारु भएको छ । विमानस्थल सुरक्षा समितिको बैठकले…
नेपाली सेनाले कर्फ्यू आदेश भोलि बिहान ६ बजेसम्म जारी रहने बताएको छ । आज एक…
२४ भदौ, काठमाडौं । नेपाली सेनाका प्रधानसेनापति अशोकराज सिग्देलले आन्दोलनरत पक्षलाई शान्तिपूर्ण निकासका लागि वार्तामा…
काठमाडौँ- राति १० बजेबाट सुरक्षाको नेतृत्व नेपाली सेनाले लिने
२४ भदौ, काठमाडौं । प्रधानसेनापति अशोकराज सिग्देलले केही बेरमा राष्ट्रका नाममा सम्बोधन गर्ने भएका छन्।…
२४ भदौ, काठमाडौं । प्रदर्शनकारीहरूले सिंहदरबारको मुख्य भवनमा आगजनी गरेका छन्। भवनका कोठा-कोठामा आगो फैलिएको…