नेपाल र जिम्बावेको खेल रद्द

काठमाडौँ: वर्षाका कारण जिम्बावे र नेपालबीच शनिबार हुने भनिएको खेल रद्द गरिएको छ । लगातारको वर्षाका कारण आजको खेल रद्द गरिएको नेपाल क्रिकेट संघ (क्यान)ले जनाएको छ । आजको खेल अर्को तालिकामा मिलाइने क्यानले बताएको छ ।

आजको खेलका लागि १६ सदस्यीय नेपाली टिम पनि घोषणा गरिएको थियो । सन्दीपको नेतृत्वमा रहेको टिमका अन्य सदस्यमा आसिफ सेख, देव खनाल, दीपेन्द्रसिंह ऐरी, रोहित पौडेल, आरिफ शेख, विनोद भण्डारी, करण केसी, सोमपाल कार्मी, कुशल भुर्तेल, सागर ढकाल, विक्रम सोब, किशोर महतो, सुनील धमला, सुसन भारी र आदिल अन्सारी थिए ।