ठाउँठाउँमा पहिरोले पाल्पा-बुटवल सडक अबरुद्ध

पाल्पा, १४ असार । गएराती देखि परेको पानीले सिद्धार्थ राजमार्ग अबरुद्ध बनेको छ । राजमार्ग अन्तर्गत दोभान-बुटवल सडकखण्डको ठाउँठाउँमा पहिरो सहित हिलो माटो खसेको छ । विहानै बाट आएको अबिरल वर्षाका कारण दर्जनौ स्थानमा पहिरो खसेकाले सडक पुर्ण रुपमा अबरुद्द बनेको जिल्ला ट्राफिक प्रहरी कार्यालय पाल्पाका प्रमुख दामोदर मल्लले जानकारी दिनुभयो । निरन्तर पानी परेकाले पहिरो हटाउन केहि समय लाग्ने बताइएको छ ।  सडकको अवस्था बुझेर मात्र यात्रा गर्न ट्राफिक प्रहरीले अनुरोध गरेको छ ।  तानसेबाट बुटवल जाने सवारीसाधन प्ररभासमा रोकिएका छन भने बुटवल बाट पाल्पा आउने सवारीसाधन गोलपार्कमा नै रोकिएका छन ।