उदयपुरको त्रियुगामा कांग्रेसको अग्रता कायमै 

उदयपुर — उदयपुरको त्रियुगा नगरपालिकामा ३ दिनयता मतगणना जारी छ । पछिल्लो मतपरिणामअनुसार नेपाली कांग्रेसबाट मेयरकाउम्मेदवार वसन्त बस्नेतले ८ सय ३५ मतले अग्रता लिइरहेका छन् ।

बस्नेतले ५ हजार ८ सय २० मत प्राप्त गरेका छन् । उनलाई नेकपा(एकीकृत समाजवादी)का उम्मेदवार बलदेव चौधरीले ४ हजार ९ सय ८५मतसहित पछ्याइरहेका छन् । तेस्रो स्थानमा रहेका एमालेका उम्मेदवार भागवत राउतले ४ हजार ३ सय ७८ मत प्राप्त गरेको मुख्य निर्वाचनअधिकृतको कार्यालयले जनाएको छ ।

त्यसैगरी उपमेयरमा कांग्रेसकै सरिता राईले ५ हजार २ सय ६० मत लिएर अग्रता कायम गरेकी छन् । उनी सुरुदेखि नै अगाडि नै थिइन ।एमालेकी महेश्वरी राईले ४ हजार ८ सय ५५ मतका साथ पछयाइरहेकी छन् । भने तेस्रो स्थानमा माओवादी केन्द्रकी गीता खड्का कार्कीले ३हजार ९ सय ११ मत प्राप्त गरेकी छन् ।

१६ वडा रहेको त्रियुगा नगरपालिकामा अहिलेसम्म १, २, १४,१५ र १६ नम्बर वडाको मतगणना सम्पन्न भई परिणामसमेत सार्वजनिक भइसकेकोसहायक निर्वाचन अधिकृत दिलिप मगरले बताए ।