काठमाडौं। इसेवा मनी ट्रान्सफर र कतारस्थित मनी ट्रान्सफर तथा विदेशी मुद्रा एक्सचेन्जमा युनिमोनीबीच रेमिट्यान्स् कारोबार सम्झौता भएको छ। कतारमा रहेका नेपालीहरुका लागि उक्त सम्झौतासँगै घरमा पैसा पठाउन माध्यम सहज भएको छ।
अब युनिमोनीको कतारमा रहेका नौवटा शाखाहरुबाट नेपालमा इसेवामार्फत पैसा पठाउन सकिने कम्पनीले जनाएको छ। युनिमोनीका शाखाहरुबाट नेपालका ६० भन्दा धेरै बैंकका खातामा तथा इसेवा वालेटमा तत्काल रकम पठाउन सकिने बताइएको छ।
यस्तै, युनिमोनी हुँदै कतारबाट पठाएको नगद रेमिट्यान्स् नेपालभरी रहेका इसेवा मनी ट्रान्सफरका १० हजारभन्दा बढी रकम भुक्तानी केन्द्रबाट तुरुन्तै पाउन सकिने कम्पनीले जनाएको छ। साथै, पठाएको नगद रेमिट्यान्स् भुक्तानी केन्द्रमा नगइ सोझै इसेवा वालेटमा पाउने गरी अतिरिक्त ७७ रुपैयाँ बोनस समेत पाइने कम्पनीले जनाएको छ।
‘इसेवा मनी ट्रान्सफर र युनिमोनीबीचको सम्झौताले कतारबाट नेपाल रेमिट्यान्स् भुक्तानी सेवालाई थप सहजता प्रदान गरेको छ। यसले कतारमा रहेका नेपाली कामदारलाई नेपाल पैसा पठाउन एउटा प्रभावकारी माध्यम थपिएको छ,’ इसेवाका सीइओ अजेस कोइरालाले भने।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…