काठमाडौं: बीमा समितिले जीवन तथा निर्जीवन बीमा कम्पनीको पूँजी बृद्धि गर्दा पनि आइतबार जीवन बीमाको सूचक उल्टै घटेको छ । कारोबार सुरु हुने वित्तीकै बीमा कम्पनीको शेयर मूल्यमा अत्याधिक आकर्षण देखिएको थियो ।
बीमा कम्पनीको शेयर मूल्य बढ्ने अपेक्षामा लगानीकर्ताले आफु सँग भएको अन्य पोर्टफेलियो बिक्री गरेर बीमा कम्पनीको शेयर उठाएका थिए । यसरी बीमा कम्पनीको शेयर खरिद गर्न अन्य पोर्टफेलियो बिक्री गर्दा समग्र शेयर बजार नै घटेको हो । अन्तिममा बीमा कम्पनीका साथ साथै अन्य कम्पनीको शेयर मूल्यमा पनि गिरावट आएको हो ।
बीमा समितिले गत बिहीबार जीवन बीमा कम्पनीको न्युनतम चुक्ता पूँजी ५ अर्ब र निर्जीवन बीमा कम्पनीको साढे दुई अर्ब रुपैयाँ पुर्याएको थियो । समितिले कम्पनीहरुलाई एक महिना भित्रमा क्यापिटल प्लान पेश गर्न निर्देशन दिएको छ । २०७९ चैत मसान्त भित्रमा तोकिएको पूँजी जुटाउने गरी दिइएको निर्देशनले शेयर बजार बढ्ने अपेक्षा गरेको गरिएको थियो ।
तर बीमा समितिको क्यापिटल प्लानले शेयर बजार बढ्नुको सट्टा उल्टै घट्यो । लगानीकर्ताले अन्य पोर्टफेलियो बिक्री गरेर बीमा कम्पनीको शेयर उठाउदा कारोबार रकम पनि बढेको छ । साविकका दिनमा २/३ अर्बमा सिमित कारोबार आज भने झण्डै ५ अर्बको कारोबार भएको छ ।
आइतबार नेप्से सूचक ४१.४३ अंकले घटेर २५७२.२३ अंकमा झरेको छ । निर्जीवन बीमा बाहेक सम्पुर्ण सूचकमा गिरावट देखिएको छ । निर्जीवन बीमाको सूचक १३३ अंकले सुधार भएको छ । भने जीवनको ९८.६१ अंकले घटेको छ । निर्जीवन बाहेक सम्पुर्ण सूचक तथा उपसूचक घटेका छन् ।
आज सर्वाधिक धेरै बढ्ने क्रममा जीवन विकास लघुवित्त वित्तीय संस्थाको शेयर मूल्य १० प्रतिशतले सुधार भएको छ । त्यस्तै इमर्जीङ नेपाल र राष्ट्र उत्थानको शेयर मूल्यमा सकारात्मक सर्किट लागेको छ । बीमा कम्पनी मध्ये सबैभन्दा धेरै सानिमा जरल र जनरल इन्स्योरेन्स कम्पनीको शेयर मूल्य ९ प्रतिशत भन्दा धेरैले बढेको छ ।
काठमाडौँ – नेकपा एमालेका नेता तथा पूर्वमन्त्री शेरबहादुर तामाङले धरहराको सञ्चालनको सम्पूर्ण जिम्मा काठमाडौँ महानगरलाई…
काठमाडौं, पाँचौ मिस्टर काठमाडौं शारीरिक सुगठनका विजेता प्रकाश राईको निधन भएको छ । गत शनिबारमात्र…
टोकियो । जापानमा नेपाली ब्यवसायीहरुको संस्था नेपाली ब्यवसायी संघ (NBA) जापानमाम दोस्रो अधिवेशनको तयारी अन्तिम…
लण्डन/ लण्डनको प्रतिष्ठित म्युजिक हलमा नेपाली गित र संगीतका बादसहा सबिन राई एण्ड फारोजको समर्पण…
तमुधीं जापानको आयोजनामा टोकियोमा बनभोज (BBQ) कार्यक्रम सम्पन्न टोकियो, जापानमा रहेका गुरुङ (तमु) हरु विच…