एमसीसीमा व्याख्यात्मक घोषणाको प्रस्ताव बहुमतले पारित

काठमाडौं । एमसीसीमा प्रतिनिधिसभाबाट जारी गरिने व्याख्यात्मक घोषणामाथिको प्रस्ताव बहुमतले पारित भएको छ ।आइतबारको प्रतिनिधिसभा बैठकले व्याख्यात्मक घोषणाको प्रस्ताव बहुमतले पारित गरेको हो ।

बैठकमा अर्थमन्त्री जनार्दन शर्माले व्याख्यात्मक घोषणा प्रस्ताव प्रस्तुत गरेका थिए । तत्पश्चात् प्रस्तावमाथि छलफल भएको थियो ।
छलफलक्रममा उठेका प्रश्नको जवाफ दिँदै अर्थमन्त्री शर्माले जनतामा घोषणा जाँदा समर्थन गर्ने विश्वास व्यक्त गरे ।

एमसीसी परियोजना आर्थिक परियोजना भएको घोषणा गरिएको र अब त्यसलाई कार्यन्वयन गर्ने विषयमात्रै बाँकी रहेको उनको भनाइ छ । घोषणालाई अमेरिकाले स्वीकार गर्ने विश्वास व्यक्त गरे नभए स्वतः निष्क्रिय हुने वचन पनि उनले दिए ।