एमसीसीमा व्याख्यात्मक घोषणाले गठबन्धन जोगायो : राजकिशोर यादव

काठमाडौं । जनता समाजवादी पार्टी(जसपा)का सांसद राजकिशोर यादवले एमसीसी सम्झौता भएको व्याख्यात्मक घोषणाले सत्ता गठबन्धन जोगाएको बताए । उनले यो घोषणाले जनतामा भएको अन्योल चिर्न पनि सहयोग पुग्ने विश्वास व्यक्त गरे ।

सांसद यादवले व्याख्यातम घोषणाको कानुनी औचित्य के हुन्छ भन्नेमा सबैमा अन्योल भएपनि अमेरिकाले यसलाई स्वीकार गर्नेमा विश्वास देखाए । साथै जसपा यसको पक्षमा रहेको पनि बताए ।

“विद्धान नेताहरूले भ्रमको खेती परियोजनामा गर्नुभएको थियो । भ्रमबाट मुक्त हुनका लागि व्याख्यात्मक घोषणा भएको छ भन्ने हाम्रो बुझाइ हो  । यसको कानुनी मानयता के होला । एमसीसीले कसरी लिन्छ हेर्न बाँकी छ,” उनले भने ।