काठमाडौं । आज साताको अन्तिम दिन नेप्से परिसूचक सामान्य अंकले बढेको छ । हिजो ओरालो लागेको बजार आज ३ दशमलव २९ अंकले बढेर २,७७९ दशमलव ९३ को विन्दुमा कायम भएको छ । आज ९० वटा कम्पनीको शेयर मुल्य बढेको छ भने ८६ वटा कम्पनीको शेयर मुल्य घटेको छ ।
आज दिनभरिमा २२४ वटा कम्पनीको ६६ लाख ७५ हजार ३२१ कित्ता शेयर किनबेच हुँदा ३ अर्ब ३४ करोड ३४ लाख १३ हजार रुपैयाँको शेयर कारोबार भएको छ । आज सबैभन्दा धेरै नेशनल लाइफ इन्स्योरेन्स कम्पनीको शेयर कारोबार भएको छ । कम्पनीको २० करोडमाथि शेयर कारोबार भएको छ । कम्पनीको शेयर मुल्य ११ सय ३१ रुपैयाँ कायम भएको छ ।
त्यस्तै, नेपाल टेलिकमको ११ करोड ४७ लाख रुपैयाँको शेयर कारोबार भएको छ । अपि पावर कम्पनीको ११ करोड १७ लाख रुपैयाँको शेयर कारोबार भएको छ । कम्पनीको शेयर मुल्य ५१७ रुपैयाँ कायम भउको छ । शिखर इन्स्योरेन्स कम्पनीको १० करोड ९९ लाख रुपैयाँको शेयर कारोबार भएको छ ।
आज सबैभन्दा धेरै विन लघुवित्त वित्तीय संस्था र बुद्धभुमि हाइड्रोपावर कम्पनीका लगानीकर्ताले कमाएका छन् । कम्पनीका लगानीकर्ताले १० प्रतिशतका दरले कमाएका हुन् । सिइडिबी हाइड्रोपावर कम्पनीका लगानीकर्ताले ८ प्रतिशतका दरले कमाएका छन् । अजोड इन्स्योरेन्स कम्पनीका लगानीकर्ताले ७ प्रतिशतका दरले कमाएका छन् ।
त्यसैगरी आज सबैभन्दा धेरै सप्तकोशी डेभलपमेन्ट बैंकका लगानीकर्ताले गुमाएका छन् । कम्पनीका लगानीकर्ताले ४ प्रतिशतका दरले गुमाएका हुन् ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…