रोल्पामा जिप दुर्घटना हुँदा ३ जनाको मृत्यु

दाङ – रोल्पामा जिप दुर्घटना तीन जनाको मृत्यु भएको छ। ११ जना घाइते भएका छन्। रोल्पा सुनिल स्मृति–४ सुलीचौरमा लु १ ज ३२३४ नम्बरको जिप दुर्घटना हुँदा तिहारका टिका थाप्न जाँदै गरेका एकैघरका दाजुभाइको मृत्यु भएको जिल्ला प्रहरी कार्यालय रोल्पाले जनाएको छ।

घोराही उपमहानगरपालिका– ६ निवासी ५८ वर्षीय विष्णुप्रसाद रिजाल, सोही ठाउँ निवासी ६० वर्षीय नारायणप्रसाद रिजाल र राप्ती गाउँपालिका–१ भालुबाङ निवासी ५० वर्षीया फाम्सी केसीको मृत्यु भएको प्रहरीले जनाएको छ।

दुर्घटनामा परी ११ जना घाइते भएका छन्। उनीहरुलाई थप उपचारको लागी बाँकेको कोहलपुर लगिएको छ।