काठमाडौ: सातौँ नगर कप फुटबल प्रतियोगितामा भाग लिनका लागि तौलुङ् स्पोर्ट्स एकेडेमिलाई बूढानीलकण्ठ नगरपालिका वडा नं ०१ ले खेल सामाग्री हस्तान्तरण गरेको छ ।
वडाले आज तौलुङ चौतारामा एक कार्यक्रम आयोजना गरी आफ्नो वडाको प्रतिनिधित्व गर्ने टिमका खेलाडिहरुलाई १-१ सेट जर्सी, १ सेट ट्रयाक, १-१ सेट मोजा र फुटबल बुट हस्तान्तरण गरेको हो ।
वडा अध्यक्ष सुरेन्द्र लामाले फुटबल टिमले हाल सम्म गरेका कार्यको प्रशंसा गर्दै युवाहरुलाई खेलकुद प्रति थप प्रोत्साहन गर्न र समाजिक कार्यमा हौसला प्रदान स्वरुप खेलकुद समाग्री हस्तान्तरण गरिएको बताउनुभयो ।
यस खेलकुद समाग्री हस्तान्तरणका लागी वडाबाट ७५ हजार विनियोजोत भएको छ । थप सहयोग राष्ट्रिय युवा संघका केन्द्रिय उपाध्यक्ष अमित लामा, हाँडि विरयानीका संञ्चालक पोषण नेपाल-पुजन नेपाल, राष्ट्रिय खेलकुद महासंघका सदस्य दिपक तामाङ लगायत समाजसेवि हरि भारतीबाट प्राप्त भएको लामाले जानकारी दिनुभयो ।
बूढानीलकण्ठ नगरपालिकामा हरेक बर्ष हुने नगर कप फुटबल प्रतियोगिता नगरपालिकाकै चर्चित खेलकुद प्रतियोगिता मानिन्छ । एकेडेमीले विगतमा प्रतियोगिताको उपाधी आफ्नो वडामा भित्राउन सफल समेत भईसकेको छ ।
यस वर्ष १९ वटा टिमले भाग लिएको प्रतियोगितामा तौलुङ स्पोर्टस एकेडेमी दावेदार समुह मध्य एक हो । यस टिमले असोज १० गते (भोलि) स्तुपा बोईज संग पहिलो खेल खेल्दै छ ।
खेल दिँउसो ३ः३० बजे बुढानिलकण्ठ स्कुलको फुटबल मैदानमा हुने भएकोले खेलाडिहरुलाई थप हौसला प्रदान गर्न समर्थक लगायत सम्पुर्ण नगरवासीहरुलाई अध्यक्ष लामाले निमन्त्रणा गर्नु भएको छ ।
काठमाडौँ । नेपाल अटोमोबाइल इम्पोर्टर्स एन्ड म्यान्युफ्याक्चरर्स एसोसिएसन (नाईमा) ले गत भदौ २३ र २४…
टोकियो - पछिल्लो समयमा नेपालमा खासगरी युवा पुस्तामाझ अत्यधिक रुचाईएको साँगीतिक 'ब्याण्ड सज्जनराज वैद्य' को…
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…