थप २९ जनामा कोरोना सङ्क्रमण पुष्टि

काठमाण्डाै १२ असार । केही दिन देखी कोरोना भाइरसको सङ्क्रमण वढेकाे छ । पछिल्लो २४ घण्टामा २९ जनामा कोरोना भाइरसको सङ्क्रमण पुष्टि भएको छ । पीसीआर र एन्टिजेन गरी एक हजार सात सय ३० जनाको नमुना परीक्षण गर्दा २९ जनामा सङ्क्रमण देखिएको स्वास्थ्य तथा जनसङ्ख्या मन्त्रालयले जनाएको छ ।

यही अवधिमा १७ जना सङ्क्रमित निको भएका छन् । अहिले नेपालमा एक सय ९२ जना सक्रिय सङ्क्रमित रहेका छन् । २४ घण्टामा काेराेना सङ्क्रमणका कारण कसैको पनि ज्यान गएको छैन ।