इन्धनको मुल्य घटेसङ्गै सार्वजनिक यातायातको भाडा घट्यो

सरकारले इन्धनको मूल्य घटाएसङ्गै सार्वजनिक यातायात तथा ढुवानीको भाडा समायोजन गरिएको छ।

यातायात व्यवस्था विभागका अनुसार न्यूनतम ५.४१ प्रतिशतदेखि ७.६८ प्रतिशतसम्मले भाडा घटाइएको हो । आयल निगमले शनिबार पेट्रोलमा प्रतिलिटर २० रुपैयाँ र डिजलमा प्रतिलिटर २९ रुपैयाँले मूल्य घटाएको थियो ।

विभागका अनुसार असार १२ गतेदेखि लागू हुने गरी यात्रुबाहक सवारी साधनको भाडा ५.४१ प्रतिशत, पहाडी बाटोमा सञ्चालन हुने मालबाहक सवारी साधनको भाडा ६.९७ प्रतिशत र तराईंको बाटोमा सञ्चालन हुने मालबाहक सवारी साधनको भाडा ७.६८ प्रतिशतले घटाएको छ । स्वचालित भाडादर अनुसार इन्धनको मुल्यमा ५ रुपैयाँ भन्दा धेरै घटी वा बढी भएमा भाडामा समायोजन गर्ने गरिएको छ ।