जापानको होक्काइदोमा ३० लाख येनमा बिक्यो दुई ओटा खरबुजा

जापानको सुदर उत्तरमा रहेको प्रिफेक्चर होक्काइदोमा युबारी जातका एउटै खरबुजा १५ लाख येनमा विकेको छ । यस वर्षको पहिलो लिलामी दुई ओटा खरबुजा ३० लाख येनमा विकेको हो ।
बोलकबोलमा युबारीस्थित फलफूल र तरकारी विक्रेता तथा प्याक गर्ने कम्पनी होकुयुप्याकले बोलेको मूल्य विजेता घोषणा गरिएको थियो । यस वर्षको बोलकबोलमा खरबुजाका लागि बोलिएको यो मूल्य गत वर्षको विजयी बोलकबोलको भन्दा १० प्रतिशत धेरै भएको बताइएको छ ।
गत वर्ष दुई ओटा खरबुजा २७ लाख येनमा विक्री भएको थियो । सन् २०१९ मा युबारी जातिको दुई ओटा खरबुजा ५० लाख लाखमा येनमा बिकेका थिए । यो खरबुजाले पाएको अहिलेसम्मकै धेरै मूल्य हो । अर्थात् त्यति बेला एउटै खरबुजाको लागि २५ लाख येन बोलकबोल गरिएको थियो ।
होकुयुप्याक कम्पनीले युबारीमा जुन ४ र ५ मा निःशुल्क रुपमा खबरबुजा चाखाउने कार्यक्रमको आयोजना गर्दैछ । खरबुजाको अति नै मिठो र अनौठो स्वाद सो मूल्य तिर्न लायक भएको कम्पनीका अध्यक्ष कियोमिची नोदाले बोलकबोल जितेपछि भनेका थिए । बिहिबार लिलामीमा कूल २ हजार ७२१ ओटा खरबुजाको विक्री गरिएको थियो ।

यस वर्ष स्थानीय ९८ जना कृषकहरुले २ खर्ब ३ अर्ब येन मूल्यका कूल ३ हजार ४३८ ओटा खरबुजा विक्री गर्ने योजना बनाएको स्थानीय सहकारीले बताएको छ । जापानमा हरेक वर्ष सिजनको पहिलो बोलकबोलमार्फत लाखौं करोडौं येनमा यसैगरी फलफूल र तरकारी बेच्ने गरिएको छ ।