काठमाडौँ: नाबालिगलाई बलात्कार गरेको आरोपमा फरार रहेका पल शाहसँग निरन्तर सम्पर्कमा रहेको आशंकामा ‘म यस्तो गीत गाउँछु२’ निर्देशक सुदर्शन थापालाई बानेश्वर वृत्तले सोधपुछका लागि नियन्त्रणमा लिएको छ । थापालाई प्राइम टेलिभिजनको कार्यालयमा अन्तर्वार्ता दिएर बाहिर निस्कँदा प्रहरीले सोधपुछका लागि भन्दै नियन्त्रणमा लिएको हो ।
नाबालिग बलात्कारको आरोप लागेका पल शाहसँग थापा निरन्तर फोन सम्पर्कमा बसेको र प्रहरीलाई यसबारे जानकारी नदिएको भन्दै उनलाई सामान्य सोधपुछका लागि महानगरीय प्रहरी वृत्त बानेश्वर लगिएको प्रहरी स्रोतले बताएको छ ।
जघन्य अपराधका आरोपीसँग निरन्तर सम्पर्कमा रहनु र प्रहरीलाई खबर नदिनु कानुनअनुसार दण्डनीय मानिन्छ ।थापाको साथैमा रहेका निर्देशक नारायण पुरीका अनुसार यतिबेला निर्देशक थापाको फोन समेत प्रहरीले नियन्त्रणमा लिएको छ ।निर्देशक सुदर्शन थापा निर्देशित फिल्म ‘म यस्तो गीत गाउँछु’ शुक्रबारबाट रिलिज भएको थियो । सुदर्शन यही फिल्मको प्रचारका लागि विभिन्न सञ्चारमाध्यममा उपस्थित हुँदै आएका थिए ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…