श्री एयरलाइन्सको पोखरामा, अब दैनिक तीन उडान

काठमाडौं – श्री एयरलाइन्सले पोखरामा उडान संख्या बढाएको छ । कम्पनीले २८ अगस्ट (१२ भदौ)देखि दैनिक तीन उडान गर्ने जानकारी गराएको हो ।

कम्पनीले अहिले दैनिक एक उडान गरिरहेको थियो । काठमाडौंबाट बिहान ७, दिउँसो ११ः०५ र अपरान्ह १३.५५ बजे जहाज उड्ने गरेको कम्पनीले जनाएको छ ।

पर्यटकीय मौसम सुरु हुनै लाग्दा र पोखरामा अन्तर्राष्ट्रिय विमानस्थल सञ्चालनको मिति नजिकिँदै जाँदा श्रीले पोखरामा उडान थपेको हो ।