घाँस काट्दा रुखबाट खसेर एककाे मृत्यु

पाल्पा, १२ वैशाख । रुखमा चढेर घाँस काट्ने क्रममा लडेर एक जनाको मृत्यु भएको छ । रामपुर नगरपालिका –७ घिमिरे टोलका ३५ वर्षीय रमेश आचार्यको सोमबार विहान रुखबाट लडेर मृत्यु भएको जिल्ला प्रहरी कार्यालय पाल्पाले जनाएकाे छ ।

जिल्ला प्रहरी कार्यालय पाल्पाका प्रहरी नायव उपरीक्षक विरेन्द्र थापाका अनुसार घरदेखि नजिकैको बारीमा रहेको काब्रोको रुखमा चढेर घाँस काट्दै गर्दा भुइँमा खसेर आचार्य घाइते भएका थिए । उनलाई परिवारले उपचारका लागि रामपुर अस्पताल लैजादा डाक्टरले मृत घोषणा गरेका हुन् ।