पुष्पलाल मित्रता केन्द्रको जनवहसमा प्रचण्ड र माधव

काठमाडाैँ- कम्युनिस्ट पार्टीका संस्थापक महासचिव पुष्पलाल श्रेष्ठको ४४ औँ स्मृति दिवसको उपलक्ष्यमा आज पनि कार्यक्रम गरिँदैछ।

आज पुष्पलाल मित्रता केन्द्रले आज विश्वको भूराजनीतिक तनाव र नेपालको परिस्थिति असंलग्नता राष्ट्रियताको चुनौती विषयक जनवहस कार्यक्रम गर्न लागेको हो।

कार्यक्रमलाई पूर्व प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल, पूर्व प्रधानमन्त्री एवं नेकपा एकीकृत समाजवादीका अध्यक्ष माधवकुमार नेपाल लगायतका नेताहरूले सम्बोधन गर्ने कार्यक्रम छ।

सामन्तवादको अन्त्य र जनताको अधिकार स्थापना गर्ने लक्ष्यका साथ पुष्पलालको नेतृत्वमा २००६ सालमा नेपाल कम्युनिष्ट पार्टीको स्थापना भएको थियाे।

पुष्पलालले निरञ्जन गोविन्द वैद्य, नरबहादुर कर्माचार्य र नारायणविलास जोशी र पुष्पलालको भनाइ अनुसार मोतीदेवीसमेत पाँचजना भएर नेपाल कम्युनिस्ट पार्टी स्थापना गरेका थिए।