लामो छलफलपछि मेचीनगरको प्रमुखमा बुढाथोकी, उपप्रमुखमा उप्रेती उम्मेदवार

मेचीनगर, लामो छलफलपछि नेकपा एमालेले मेचीनगर नगरपालिकाको नगर प्रमुख र उपप्रमुखको उम्मेदवारको टुंगो लगाएको छ ।

बैशाख ३० गते हुन गईरहेको स्थानीय तहको निर्वाचनका लागि उम्मेद्वारी मनोनयनको अघिल्लो राति नगर प्रमुखमा गोपालचन्द्र बुढाथोकी र उपप्रमुखमा मीना पोखरेल उप्रेतीको नाम नेकपा एमाले १ नम्वर प्रदेश कमिटीले टुंगो लगाएको हो ।

बुढाथोकी १ नम्वर प्रदेशसभा सदस्य हुन् भने उप्रेती यसअघि मेचीनगर नगरपालिकाको उपप्रमुख रहेकी थिइन् । दुवैले आ–आफ्नो पदबाट राजीनामा दिइसकेका छन् ।