पाल्पामा वन्दकाे प्रभाव

पाल्पा । विप्लव नेतृत्वको नेकपा सहित ४ दलले गरेकाे नेपाल बन्दको प्रभाव पाल्पामा पनि परेकाे छ । सदरमुकाम तानसेन वाट लामो तथा छोटो दूरीका गाडीहरू बिहानैदेखि चलेका छैनन् । सडकमा वालवालिका बल खेलेका छन् । विधालय, पसल, सार्वजनिक यातायात सञ्चालन भएका छैनन् । भौतिक आक्रमण, तोडफोड वा आगजनीका घटना नहुन् भनेर चोकचोकमा बाक्लो मात्रमा सुरक्षाकर्मि परिचालित भएका छन् ।

सडकमा अत्यावस्यक सवारीसाधन‚ फाट्टफुट्ट रुपमा माेटरसाइकलहरु गुडेका छन् । नेपाल कम्युनिस्ट पार्टीका (विप्लव समूह), वैज्ञानिक समाजवादी कम्युनिस्ट, नेकपा माओवादी समाजवादी र नेपाल कम्युनिस्ट पार्टीले ३ बुँदे सम्झौताको पालना, एमसीसी सम्झौताको विरोध, राष्ट्रियता, जनतन्त्र र जनजीविकाको सवालहरूमा आफुहरूले संघर्ष गरिरहेको विरूद्ध नेपाल बन्द आह्वान गरेकाे ४ दलले जनाएका छन् । यस्तै नेपाल बन्द साझ ५ बजेसम्म हुनेछ ।