झापा। स्थानीय तह निर्वाचनमा झापा जिल्लाका पालिकाहरूमा निर्वाचित मेयर तथा अध्यक्षहरूले सपथ ग्रहण गरेका छन् ।
जिल्लाका १५ वटा पालिकामध्ये पहिलो चरणमा ११ वटा पालिकाका मेयर तथा अध्यक्षहरूलाई सोमबार बिहान झापा जिल्ला अदालत भद्रपुरमा एक संक्षिप्त कार्यक्रमका बीच सपथ ग्रहण गराइएको हो ।
निर्वाचित मेयर तथा अध्यक्षहरूलाई मुख्य निर्वाचित अधिकृत झापा जिल्ला अदालतका न्यायाधीश गिरीराज गौतमले सपथ ग्रहण गराएका हुन् । सपथ ग्रहण गर्ने मेयरहरूमा भद्रपुर नगरपालिकाका गणेश पोखरेल, बिर्तामोड नगरपालिकाकी पवित्रा महतारा प्रसाई, कनकाई नगरपालिकाका राजेन्द्रकुमार पोखरेल, दमक नगरपालिकाका राम थापा, अर्जुनधारा नगरपालिकाका बलदेवसिंह गोम्देन तामाङ, शिवसताक्षी नगरपालिकाका मेघाहाङ थोप्रा रहेका छन् ।
त्यस्तै सपथ ग्रहण गर्ने अध्यक्षहरूमा बुद्धशान्ति गाउँपालिकाका मनोज प्रसाईँ, हल्दिबारी गाउँपालिकाका रवीन्द्रप्रसाद लिङ्देन, बाह्रदशी गाउँपालिकाका देविन्द्रप्रसाद चौलागाई, कचनकवल गाउँपालिकाका कालेन्द्रप्रसाद सिंह राजवंशी, झापा गाउँपालिकाका जयनारायण साह रहेका छन् ।
सपथ लिएका पालिकाका मेयर तथा अध्यक्षहरूले आ–आफ्नो पालिकामा निर्वाचित उपमेयर÷ उपाध्यक्ष, वडा अध्यक्ष र सदस्यहरूलाई सपथ खुवाउँदै सोमबार नै कतिपय पालिकाहरूमा पदभार ग्रहण गराएका छन् ।
यता आइतबार राति मात्रै गौरीगञ्ज गाउँपालिका, कमल गाउँपालिका, गौरादह नगरपालिकाको परिणाम सार्वजनिक भएको र मेचीनगर नगरपालिकाको मतगणना अझै जारी रहेकोले चार पालिकाका मेयर तथा अध्यक्षहरूलाई दोस्रो चरणमा सपथ ग्रहण गराइने मुख्य निर्वाचित अधिकृत गौतमले जानकारी दिए ।
मुख्य निर्वाचित अधिकृत गौतमको अध्यक्षतामा भएको सपथ ग्रहण कार्यक्रममा झापा जिल्ला समन्वय समितिका अध्यक्ष सोमनाथ पोर्तेल, झापाका प्रमुख जिल्ला अधिकारी छविलाल रिजाललगायतले शुभकामना मन्तव्य व्यक्त राखेका थिए । स्वागत मन्तव्य जिल्ला निर्वाचन कार्यालय झापाका प्रमुख तुलसीकुमार नेपालले राखेको कार्यक्रमको सञ्चालन गणेश पाण्डेले गरेका थिए ।
जापान । जापानबाट नेपाल लगायत विश्वका विभिन्न देशहरुमा पैसा पठाउँदै आइरहेको फोरेक्स रेमिटेन्सले मोवाईल एप्लिकेसन…
बिर्तामोड। अनारमनी सोशल यूथ क्लबले आयोजना गरेको बिर्तामोड रनको तेस्रो संस्करण आगामी १४ कार्तिक २०८१…
दमक, उत्प्रेरक उद्यमी समाज बिर्तामोड ४, झापाको दोस्रो वार्षिक साधारण सभा आज सफलतापूर्वक सम्पन्न भएको…
काठमाडौँ – राष्ट्रिय स्वतन्त्र पार्टीका सभापति रवि लामिछानेलाई सहकारी ठगी प्रकरणमा प्रहरीले शुक्रबार पक्राउ गरेको…
काठमाडौ: समकालीन विश्वमा चीन दोस्रो ठूलो कार बजार र अर्थतन्त्रको आकारमा पनि दोस्रो स्थानमा रहेको…
काठमाडौ। लण्डन, ओन्टारियोको प्रतिष्ठित म्युजिक हलमा हुन लागेको नेपाली गायक सबिन राई एण्ड द फरोजको…