मनमोहक पोखराबारे स्वरूपले गाएको गीत सार्वजनिक (भिडियो)

प्राकृतिक सुन्दरताले भरिपूर्ण पोखराले स्वदेशी तथा विदेशी पर्यटकहरुलाई लोभ्याउने गर्छ। प्रकृतिको मनोरम उपहार पोखरा नगरी साँच्चिकै मनमोहक छ। नेपालका विभिन्न स्थानबाट घुम्नेहरुको प्रमुख रोजाइमा पर्ने पोखरा नेपाल भ्रमणका लागि आउने विदेशीका लागि पनि आकर्षणको केन्द्र हो। पोखराको सौन्दर्यबाट मोहित भएर धेरैले साहित्य सिर्जना गरेका छन्।

अनेकौं गीतका शब्दमा पोखरा जोडिएको हुन्छ। त्यही सिलसिलामा पछिल्लो पटक आएको छ नयाँ गीत ‘मनमोहक पोखरा’। हाल जापानमा रहेका पोखरेली सर्जक दीपेन्द्र अधिकारीले पोखराको सौन्दर्यलाई शब्दमा उतारेका छन्। ‘पोखराको मान्छे एकपटक टाढा गएर फर्किंदा बल्ल त्यसको महत्व बुझ्न सकिंदोरहेछ’ अधिकारीले भने, ‘त्यही भएर ‘मनमोहक पोखरा’ गीत लेखेको हुँ।’ उनी समसामयिक विषयवस्तुहरुमा सन्देशमूलक लेख, नियात्राजस्ता विधामा कलम चलाउँछन्। अधिकारीका शब्दहरुमा वसन्त सापकोटाले संगीत भरेका छन्। साहस शाक्यको संगीत संयोजन रहेको गीतमा स्वरुपराज आचार्य, मनिषा राई र रमिला ग्याङमीले स्वर दिएका छन्।

गीतका लागि संयोजन गरिएको संगीतमा रत्न बिक (बाँसुरी), हेमन्त कान्छा (सारङ्गी), सञ्जीव बराइली (गितार), पोषण घर्ती मगर (मादल) को साथ छ। रेकर्डिस्टका रुपमा राजाबाबु चौधरी, अजय कार्की र दिल सार्कीको योगदान रहेको गीत मिक्सिङ र मास्टरिङतर्फ प्रकाश मिश्रले भूमिका निर्वाह गरेका छन्। गीत अकेस्टिक स्टुडियोमा रेकर्ड गरिएको हो। पर्यटन प्रवर्द्धनमा महत्वपूर्ण योगदान दिने विशेषता बोकेको गीतलाई म्युजिक भिडियोका रुपमा पनि तयार पारिएको छ।

म्युजिक भिडियोलाई उत्तम हुमागाईंले छायांकन गरेका हुन् भने ड्रोन प्रयोगमा विशाल लामा र विकास ताम्राकारले काम गरेका छन्। रोहन आशिवले नृत्य निर्देशन गरेका छन्। त्यसको क्रिएटिभ निर्देशन प्रकाश सुवेदीको छ भने निर्देशन र सम्पादनको जिम्मेवारी निशान घिमिरेले सम्हालेका छन्। म्युजिक भिडियोलाई आकर्षक बनाउन माओत्से गुरुङ, नम्रता सापकोटा, महेश खड्कालगायत कलाकारले जीवन्त अभिनय गरेका छन्।

हेर्नुहोस भिंडियो :-https://youtu.be/mINNUz473NQ

Sanjay poudyal

Recent Posts

हार्दिक आईभिएफले प्राप्त गर्‍यो ISO प्रमाणपत्र : अब नेपालमै विश्वस्तरीय फर्टिलिटी सेवा

काठमाडौं – नेपालको अग्रणी फर्टिलिटी केन्द्र हार्दिक आईभिएफले ISO 9001:2015 प्रमाणपत्र प्राप्त गर्दै आफ्नो सेवा…

55 years ago

बिस्केट जात्राले भक्तपुरमा नयाँ वर्षको रौनक थप्यो 

८ चैत — बिस्का (बिस्केट) जात्रा तथा नयाँ वर्ष २०८२ को अवसरमा भक्तपुरमा भव्य शुभकामना…

55 years ago

टोकियो विश्वविद्यालयले सन् २०२७ देखि नयाँ विभाग सुरु गर्दै, जसअन्तर्गत सबै कक्षाहरू अङ्ग्रेजी भाषामा संचालन गरिनेछ

काठमाडौँ, टोकियो विश्वविद्यालयले सन् २०२७ को सेप्टेम्बरदेखि एक विशेष पाँच वर्षीय संयोजन स्नातक र स्नातकोत्तर…

55 years ago

झापा बिर्तामोडका डा. सुमन खरेल प्रगतिशील प्राध्यापक संगठनको महासचिव पदका उम्मेदवार

बिर्तामोड — नेपाल प्रगतिशील प्राध्यापक संगठनको आसन्न ११औँ केन्द्रीय अधिवेशनका लागि झापा, बिर्तामोडका डा. सुमन…

55 years ago

रवि लामिछाने पक्राउ

काठमाडौं –  राष्ट्रिय स्वतन्त्र पार्टी (रास्वपा) का सभापति रवि लामिछानेलाई उच्च अदालत तुलसीपुर, बुटवल इजलासको…

55 years ago

आन्तरिक र बाह्य दबाबमा महानगर प्रमुख बालेन्द्र साह

काठमाडौं – काठमाडौं महानगरपालिकाका मेयर बालेन्द्र साह (बालेन)सँग आन्तरिक र बाह्य शक्तिहरू असन्तुष्ट बन्दै गएका…

55 years ago