विराट बहुउद्देश्यीय सहकारी संस्थाले ६ जनालाई सम्मान

बिर्तामोड, बिर्तामोड–३ सैनिकमोडस्थित विराट बहुउद्देश्यीय सहकारी संस्थाले ६ जनालाई नगदसहित सम्मान गरेको छ ।१७ औं बार्षिक साधारणसभाका अवसरमा उनीहरुलाई सम्मान गरिएको हो ।

संस्थाले स्व. पर्शुराम सिटौला स्मृति समाजसेवा सम्मानबाट पूर्व राष्ट्रियसभा सदस्य डिल्लीप्रसाद सिटौलालाई सम्मानित गरेको छ । संस्थाका उपाध्यक्ष पर्शुराम सिटौलाको संझनामा स्थापित सो सम्मान पहिलो पटक सिटौलालाई प्रदान गरिएको हो । कार्यक्रमका प्रमुख अतिथि बिर्तामोड नगरपालिकाका नगर प्रमुख पवित्रा महतारा प्रसाईले सिटौलालाई ११ हजार १११ नगदसहित सम्मानपत्र प्रदान गरिन् ।

त्यस्तै उत्कृष्ट बचतकर्ताको रुपमा गणेशकुमार उप्रेती , उत्कृष्ट ऋणी कुमारी बस्नेत कार्कीलाई जनही ७ हजार ५०५ नगदसहित सम्मानपत्र प्रदान गरियो भने उत्कृष्ट कर्मचारीको रुपमा शान्तादेवी सेडाई सिटौलाले ५ हजार ५ नगदसहित सम्मानपत्र प्राप्त गरिन् । त्यस्तै शेयर सदस्यका छोराछोरीमध्येबाट यस वर्षको एसईईमा उत्कृष्ट नतिजा ल्याउने अपेक्षा आचार्य र गायत्रा बाँसकोटालाई जनही ५ हजार ५ रुपैयाँ नगद र सम्मानपत्र प्रदान गरिएको थियो ।

संस्थाका अध्यक्ष मोहन शिवाकोटीको अध्यक्षतामा भएको साधारणसभामा बिर्तामोड नगरपालिकाकी नगर प्रमुख प्रसाईको प्रमुख आतिथ्य रहेको थियो ।

कार्यक्रममा अध्यक्ष शिवाकोटीले वार्षिक प्रतिवेदन र लेखा समिति सदस्य अर्जुन न्यौपानेले आर्थिक प्रतिवेदन प्रस्तुत गरेका थिए । झापा जिल्लाभर कार्यक्षेत्र रहेको संस्थामा आर्थिक बर्ष २०७८÷०७९ सम्ममा ३ हजार ३ सय १८ जना शेयर सदस्य रहेका छन् भने शेयर पूँजी ६ करोड ७२ लाख ३१ हजार ९०० रुपैंयाँ पुर्याउन सफल भएको अध्यक्ष शिवाकोटीद्धारा प्रस्तुत प्रतिवेदनमा उल्लेख छ । त्यस्तै लगानीमा रहेको कर्जा ३० करोड ६७ लाख ७३ हजार ९७४, संस्थामा रहेको बचत ३३ करोड ५६ लाख ७४ हजार ६८६ रुपैयाँ र आव २०७८÷०७९ को कुल कारोवार ४३ करोड २० लाख ४०८ रुपैयाँ रहेको प्रतिवेदनमा उल्लेख छ । संस्थाले आव २०७८÷०७९ मा ८३ लाख १४ हजार ९०२ रुपैयाँ खुद नाफा गर्न सफल भएको प्रतिवेदनमा छ ।

स्वागत संस्थाका उपाध्यक्ष होम सिटौलाले गरेको कार्यक्रममा प्रमुख अतिथि प्रसाई , सम्मानित तर्फबाट सिटौला, पूर्व जनप्रतिनिधि प्रेमप्रकाश सिटौला, समाजसेवी खगेन्द्र प्रसाई ,कन्चनजंघा स्कुलका प्राचार्य गुरुभक्त न्यौपाने, महेन्द्ररत्न माबि ब्यवस्थापन समितिका अध्यक्ष टंक सेडाईलगायतले शुभकामना मन्तव्य राखेका थिए । कार्यक्रमको सञ्चालन संस्थाका प्रवन्धक रुद्र सिटौलाले गरेका थिए ।

Sanjay poudyal

Recent Posts

रवि लामिछाने पक्राउ

काठमाडौं –  राष्ट्रिय स्वतन्त्र पार्टी (रास्वपा) का सभापति रवि लामिछानेलाई उच्च अदालत तुलसीपुर, बुटवल इजलासको…

55 years ago

आन्तरिक र बाह्य दबाबमा महानगर प्रमुख बालेन्द्र साह

काठमाडौं – काठमाडौं महानगरपालिकाका मेयर बालेन्द्र साह (बालेन)सँग आन्तरिक र बाह्य शक्तिहरू असन्तुष्ट बन्दै गएका…

55 years ago

विद्यालय शिक्षा ऐन कार्यान्वयनको माग गर्दै शिक्षकहरूको प्रदर्शन

काठमाडौँ— नेपाल शिक्षक महासंघको नेतृत्वमा शिक्षकहरूले काठमाडौँमा प्रदर्शन गरेका छन्। बुधबार महासंघले माइतीघर मण्डलादेखि बिजुली…

55 years ago

झापाको किच्चकबध स्थलमा आठौँ चरणको उत्खनन, दरबारको जग भेटियो

झापा, भद्रपुर नगरपालिका–३ स्थित ऐतिहासिक किच्चकबध स्थलमा पुरातत्व विभागको टोलीले आठौँ चरणको उत्खनन गरेको छ।…

55 years ago

त्रिवि केन्द्रीय क्याम्पस स्ववियु सभापतिमा नेविसंघका जोशी निर्वाचित

काठमाडौँ – त्रिभुवन विश्वविद्यालय केन्द्रीय क्याम्पसको स्ववियु सभापतिमा नेपाल विद्यार्थी संघका दिपकराज जोशी निर्वाचित भएका…

55 years ago

डा. शशांक कोइरालाको भनाइ : राजाको आवश्यकता छैन

काठमाडौँ – नेपाली कांग्रेसका नेता डा. शशांक कोइरालाले पूर्वराजा ज्ञानेन्द्र शाहलाई पटक–पटक अवसर दिँदा सत्ताको…

55 years ago