काठमाडौं : नेपाल आईसीसी टीट्वेन्टी विश्वकपअन्तर्गत ग्लोबल छनोटको सेमिफाइनलमा प्रवेश गरेको छ। नेपालले फाइनल प्रवेशका लागि मंगलबार (आज) समूह ‘ए’को उपविजेता संयुक्त अरब इमिरेट्स (यूएई) को सामना गर्नेछ। नेपाल र युएईबीचको खेल नेपाली समय अनुसार दिउँसो ३:४५ बजे सुरु हुनेछ।
टी-ट्वान्टी विश्वकपमा छनोट हुने लक्ष्य बोकेको नेपालका लागि यस खेल महत्वपूर्ण रहेको छ। आजको खेलले नेपालको विश्वकप यात्रा तय गर्नेछ । युएईलाई हराएको खण्डमा नेपालले विश्वकप खेल्न पाउनेछ।
त्यसैगरी घरेलु टोली ओमानले समूह ‘ए’को विजेता आयरल्यान्डसँग खेल्नेछ। फाइनल खेल भने बिहीबार हुनेछ। फाइनल पुग्ने दुई टोली अस्ट्रेलियामा आगामी अक्टोबर १६ देखि नोभेम्बर १३ तारिखसम्म हुने आईसीसी टीट्वेन्टी विश्वकपमा छनोट हुनेछन्।
ओमानमा सोमबार भएको खेलमा क्यानडालाई आठ विकेटले हराउँदै नेपालले अन्तिम चारमा स्थान बनाएको हो। क्यानडाले दिएको ८१ रनको सामान्य लक्ष्य नेपालले १४.१ ओभरमा दुई विकेट गुमाएर पूरा गर्यो। नेपालको जितमा कुशल भुर्तेलले अविजित ३४ रन बनाए। यसैगरी दीपेन्द्रसिंह ऐरीले २७ र आसिफ शेखले १७ रन बनाए। कुशल मल्लले भने खाता खोल्न सकेनन्। क्यानडाका कलिम साना र सलमान नजरले एक/एक विकेट लिए।
ओमानको अल अमेरात क्रिकेट मैदानमा टस जितेर पहिले ब्याटिङ गरेको क्यानडाले १५ ओभरमा अलआउट हुँदै ८० रनको सामान्य योगफल खडा गरेको थियो। क्यानडाका डिलोन हेलिगरले सर्वाधिक २४ रन बनाए। यसैगरी कप्तान नवनीत धालिवालले १८, रायन पठानले १४ र सलमान नजरले १० रनको योगदान दिए। नेपालका कप्तान सन्दीप लामिछानेले तीन विकेट लिए। उनले चार ओभरमा १२ रन मात्रै खर्चिए। यस्तै अविनाश बोहरा र कमलसिंह ऐरीले दुई÷दुई तथा कुशल मल्लले एक विकेट हात पारे।
क्यानडालाई पराजित गर्दै नेपाल समूह ‘बी’को विजेता बनेको हो। नेपालले तीन खेलमा ६ अंक जोड्यो। तीन खेलमा चार अंक जोडेको ओमानले उपविजेता बन्दै सेमिफाइनलमा स्थान बनायो।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…