पाल्पामा केहि समयमा मतगणना सुरुहुँदै

भबिन्द्र गौतम
पाल्पा ५ मंसिर
पाल्पामा मतगणना केही समयमा सुरु हुँदै छ । मतगणनाका लागी सर्वदलिय बैठक सकेलगत्तै अहिले दलका प्रतिनिधिहरुको परिचपत्र बानाउने कार्य भैरहेको छ । पाल्पाको क्षेत्र नंं १ रामपुर र क्षेत्र नंं २ तानसेनमा मतगणनाको लागी सर्बदलिय बैठकले विभिन्न निर्यणहरु गरी मतगणना गर्ने निर्णय राजनितिक दल र उम्मेदवारहरुले गरेका थिए।
पाल्पामा ६०.९४ प्रतिशत मत खसेको छ । कुल २ लाख १ हजार ३ सय २६ मतदात मध्ये १ लाख २२ हजार ६ सय ९४ मत खसेको छ । पाल्पा क्षेत्र नंं १ मा ९६ हजार ३३ मतदाता रहेकोमा ५८ हजार ४ सय ९१ मत खसेको छ भने क्षेत्र नंं २ मा १ लाख ५ हजार २ सय ९३ मतदाता रहेकोमा ६४ हजार २ सय ३ मत खसेको छ । पाल्पामा स्थानीयतह निर्वाचन २०७९ मा ७० प्रतिशत मत खसेको थियो ।
पाल्पा क्षेत्र नंं १ मा प्रतिनिधि सभा सदस्य पदमा १० जना उम्मेदवार रहेका छन  जसमा ६ जना राजनितिक दल ४ स्वतन्त्र उम्मेदवार रहेका छन भने प्रदेश १ मा ५ जना र प्रदेश २ मा ५ जना उम्मेदवार रहेका छन ।
पाल्पा क्षेत्र नंं २ मा प्रतिनिधिसभा सदस्यमा १३ जना उम्मेदवार रहेको १० राजनितिक दल, ३ जना स्वतन्त्र उम्मेदवार रहेका छन । क्षेत्र नंं २ को  प्रदेश सभा १ मा ६ जना र प्रदेश सभा २ मा ६ जना उम्मेदवार विच प्रतिष्पर्धामा छन ।
मतदान केन्द्र टाढा र अपायक स्थानमा रहेकाले मतपेटिका ल्याउन समय लागेको कारण मतगणना गर्न ढिलाई भएको हो ।