कर्णाली: वातावरणीय प्रभाव मूल्यांकनविना निर्माण गरिएका सडकले खानेपानी, सिँचाइ योजनाहरूमा क्षति भएको गुनासो जलस्रोत तथा उर्जा विकास मन्त्रालयमा धेरै नै पुग्ने गरेका छन् ।
विभिन्न निकायबाट जथाभावी डोजर तथा स्काभेटर प्रयोग गरी खनिएका सडकले यस्ता याेजनामा भारी मात्रामा क्षति पुगेको सेवाग्रहीले गुनासो गर्ने गरेकाे मन्त्रालयकाे भनाइ छ । नयाँ तथा पुराना योजनाहरूमा क्षति बनाएपछि स्थानीयले धेरै समय खर्चेर खानेपानी ल्याउनु पर्ने हुन्छ ।
कर्णालीका १० जिल्लामा निर्माण भइरहेका सडकले मुहान पुरिनेदेखि पाइप लाइन समेत चुडाल्दा सेवाग्राहीहरू पानी पिउनबाट बन्चित हुनु परेको छ । जथाभावी सडक निर्माण गर्ने, निर्माण व्यवसायी तथा उपभोक्ता समितिले खानेपानी तथा सिँचाइ मर्मत नगर्दा वर्षेनि समस्या थपिँदै गएको रिर्पोट खानेपानी सिँचाइ तथा उर्जा विकास कार्यालयहरूले जलस्रोत तथा उर्जा विकास मन्त्रालयमा पुर्याएका छन् ।
वर्षेनि नयाँ निर्माण भएका योजनाहरू समेत भत्किने, पुरिने हुँदा मर्मतका लागि भारी मात्रामा बजेट माग हुँदा धेरै आर्थिक क्षति भएको कार्यालय प्रमुखले बताएका छन् । सडक निर्माण गर्दा अर्को खानेपानी र सिँचाइ अवरुद्ध हुनुपर्ने अवस्था चिन्ताजनक भएको खानेपानी सिँचाइ तथा उर्जा विकास कार्यालय जाजरकोटका प्रमुख ज्वालाराज शाहीले बताए । उनले अन्तर मन्त्रालयसँग समन्वय गरेर यस्ता क्षति रोक्नुपर्ने धारणा राखे ।
उनले भने, ‘हामी निर्माण गर्दै जाने, अर्कोले भत्काउँदै जाने हो भने कसरी काम गर्न सकिन्छ ? वर्षेनि मर्मत मै मात्र पैसा जाने भयो ।’ भौतिक पूर्वाधार तथा सहरी विकास मन्त्रालयले भत्किएका योजनाहरू बनाउनु पर्ने स्थानीयवासीको माग रहेको छ । प्रत्येक जिल्लामा ५० भन्दा बढी योजनाहरू अवरुद्ध हुने गरेको रिर्पोटमा उल्लेख छ ।
जलस्रोत तथा उर्जा विकास मन्त्रालयले १० जिल्लाका कार्यालय प्रमुखको बैठकमा समेत यो कुराले प्रवेश पाएको छ । जिल्लामा मर्मतका लागि भनेर सानो बजेट जाने तर मर्मत गर्ने योजनाहरूको संख्या ठूलो हुँदा समस्या थपिँदै गएको कार्यालय प्रमुखको भनाइ छ ।
खानेपानी र सिँचाइ योजना भत्किने र क्षति हुने विषयमा छलफल गरेर टुंगोमा पुगिने सचिव देवराज निरौलाले जानकारी दिए । सचिव निरौलाले सुन्दर कर्णाली बनाउन हामी एकै गतिमा रहेको बताए । जति दिन मन्त्रालयमा बस्छु, उति समय नमुना काम गरेर कर्णालीलाई योगदान दिने उनको भनाइ छ ।
बिर्तामोड, झापा — झापा गोल्डकपका पूर्वअध्यक्ष तथा बिर्तामोडका चर्चित युवा उद्यमी विनोद बस्नेत आफ्नै निवासमा…
बिर्तामोड- झापाको बिर्तामोडमा क्राइटेरियन एजुकेशन फाउण्डेशन सञ्चालनमा आएको छ । नयाँ वर्षको थालनीसँगै बिर्तामोडमा क्राइटेरियन…
काठमाडौँ — त्रिभुवन विश्वविद्यालयले जापानको युनिभर्सिटी अफ इन्फरमेटिक्स कोतो (केसीजीआई) सँगको सहकार्यमा प्रविधिमैत्री संगीतसम्बन्धी नयाँ…
काठमाडौँ – आमाको मुख हेर्ने पर्व : श्रद्धा, भक्ति र आशीर्वादको अनुपम अवसर हरेक वर्ष…
बिर्तामोड , २०८०, २२ जेष्ठ सोमबार बिर्ताबजार स्थित महेन्द्ररत्न माध्यमिक विद्यालय अगाडि विश्व वातावरण दिवसका…
झापा। मञ्जुश्री अशाहाय संरक्षण केन्द्र, झापा शाखाको नेतृत्वमा नयाँ ऊर्जा थपिँदै मञ्जु ओलीले अध्यक्ष पद…