सवारी दुर्घटना न्यूनीकरणका लागी म्यादी प्रहरीलाई प्रशिक्षण

पाल्पा । निर्वाचनका लागी भर्ना भएका म्यादी प्रहरीलाई सवारी दुर्घटना न्यूनीकरण सम्बन्धि प्रशिक्षण दिइएको छ। जिल्ला ट्राफिक प्रहरी कार्यालय पाल्पाका प्रमुख प्रनानि दामोदर मल्लले प्रशिक्षण दिनुभएको छ ।

सम्बन्धित समाचार : दुर्घटना न्यूनीकरणका लागी चालकलाई सडक सुरक्षा सम्बन्धि सचेतना ।
दुर्घटना न्यूनीकरण गर्न चालकलाई सचेतना

मल्लले सुरक्षित यात्राका लागी सडकमा पैदलयात्रा, सडक बत्ती बारेमा जानकारी, ट्राफिक चिन्हको बारेमा जानकारी, सवारी साधनले ओभरटेक गर्ने तरिका, जेब्राक्रसबाट बाटो काट्ने तरिका, लगाएत सडक सुरक्षा सम्बन्धी प्रशिक्षणका क्रममा जानकारी दिनुभएको छ ।

तानसेन नगरपालिका वडा नम्बर ५ स्थित लक्ष्मि उच्च मा.बि.को कम्पाउण्ड भित्र म्यादी प्रहरीलाई प्रशिक्षण दिइएको थियो । पाल्पाका ९ सय ५० जना म्यादि प्रहरीहरु प्रशिक्षणमा सहभागी भएका थिए ।