दार्चुला: सातौं राष्ट्रिय कृषि गणना कार्यक्रमअन्तर्गत दार्चुलामा १८ हजार बढी परिवारको लगत संकलन गरिएको छ । विभिन्न क्षेत्रका १८ हजार ७ सय ११ परिवारका लगत संकलन गरिएको हो ।
जिल्ला कृषि गणना कार्यालयका प्रमुख शंकरदत्त भट्टका अनुसार कृषि गणना कार्यक्रमले एक सय २२ क्षेत्रका १८ हजार ७ सय परिवारको लगत संकलन गरिएको छ । गत वैशाख ६ देखि जेष्ठ १९ सम्म गणक र सुपरिवेक्षक घर–घरमा पुगेर लगत संकलन गरिएको हो । उनीहरूले संकलन गरेको तथ्यांक स्थलगत र जाॅचबुझको कार्य सकिएको भट्टले बताए । गणक र सुपरिवेक्षकले गरेको तथ्यांक संकलन र त्यसपश्चात् स्थलगत कार्य सकेर छुटफुट केही भए त्यसको जाॅचबुझ गरेर केन्द्रीय तथ्यांक विभागमा पठाइसकेको भट्टले जानकारी दिए ।
कृषि गणनाका क्रममा कृषकले भोगचलन गरेको जग्गाको आकार, जग्गाको उपभोग र उपयोग बाली लागेको जग्गाको क्षेत्रफल, मुख्य बालीको उत्पादन र सिॅचाइको विवरण लिइएको कार्यालय प्रमुख भट्टले जानकारी दिए । कृषि सामग्री र औजारको उपयोग, पशुपन्छीको संख्या, आहारसम्बन्धी विवरण, कृषि कार्यमा संलग्न जनशक्ति, लिंकका आधारमा कृषि जग्गाको स्वामित्वको अवस्थाबारे गणकले तथ्यांक संकलन गरिएको हो ।
कृषि वन, कृषि ऋण, बिमा अनुदान, कृषि कार्यमा जलवायु परिवर्तनका प्रभाव, हरितगृह पद्धतिको प्रयोग माटो परीक्षण कृषि बजारसम्मको पहुँच, कृषि अवशेष र फोहोरको व्यवस्थापन जस्ता विषयमा तथ्यांक संकलन गरिएको कार्यालयले जनाएको छ । कार्यालय प्रमुख भट्टका अनुसार सबैभन्दा बढी शैल्यशिखर नगरपालिकामा १८ स्थानमा कृषि गणना भएको छ । मालिकार्जुन गाउॅपालिकामा १७, महाकाली नगरपालिकामा १५, नौगाड र मार्मा गाउँपालिकामा समान १४/१४ स्थानमा गणना भएको छ ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…