काठमाडौँ: बैंकहरूमा तरलता अभावका बाबजुद चालु आर्थिक वर्षको फागुनमा देशभर घरजग्गा कारोबार बढे पनि उपत्यकामा घट्दै गएको छ । भूमि व्यवस्थापन तथा अभिलेख विभागका अनुसार उपत्यकामा घरजग्गा कारोबार घट्दै गएको हो ।
साउनमा १० हजार १४४ पटक घरजग्गा कारोबार भएको थियो । त्यसपछि क्रमश: घट्दै गएको कारोबारले मंसिरमा गति लिए पनि फेरि घट्दै गएको छ । विभागका अनुसार भदौमा ९ हजार २३१ पटक र असोजमा ९ हजार १२६ पटक घरजग्गा कारोबार भएको हो । तर, कात्तिकमा २ हजार ७०ले घटेर ७ हजार ५६ पटक कारोबार भएको छ । कात्तिकमा घटेको कारोबारले मंसिरमा फेरि गति लिँदा ९ हजार ३७६ पटक घरजग्गा कारोबार भएको विभागको तथ्यांक छ । त्यसपछि घरजग्गा कारोबार घटेर पुसमा ८ हजार ३८७ पटक, माघमा ८ हजार ५१८ पटक र फागुन ८ हजार ८४९ पटक घरजग्गाको कारोबार भएको विभागले जनाएको छ ।
घरजग्गाको कारोबार घट्दै गएपछि स्वतः राजश्व पनि घट्दै गएको छ । चालु आर्थिक वर्षको फागुन मसान्तसम्म उपत्यकाबाट सरकारले २३ अर्ब ४३ करोड ५७ लाख रुपैयाँ राजश्व संकलन गरेको छ । विभागका अनुसार साउनमा ३ अर्ब २८ करोड ८१ लाख, भदौमा ३ अर्ब ६२ करोड ८८ लाख, असोजमा ३ अर्ब १७ करोड ५० लाख, कात्तिकमा २ अर्ब ३५ करोड ५२ लाख, मंसिरमा ३ अर्ब ७ करोड ९४ लाख, पुसमा २ अर्ब ९८ करोड ४४ लाख, माघमा २ अर्ब ३६ करोड २९ लाख र फागुनमा २ अर्ब ५६ करोड १६ लाख रुपैयाँ उठाएको हो ।उपत्यकाका तीन जिल्लामा ९ वटा भूमि सुधार तथा मालपोत कार्यालयबाट घरजग्गा कारोबार हुँदै आएको छ ।
काठमाडौँ – नेकपा एमालेका नेता तथा पूर्वमन्त्री शेरबहादुर तामाङले धरहराको सञ्चालनको सम्पूर्ण जिम्मा काठमाडौँ महानगरलाई…
काठमाडौं, पाँचौ मिस्टर काठमाडौं शारीरिक सुगठनका विजेता प्रकाश राईको निधन भएको छ । गत शनिबारमात्र…
टोकियो । जापानमा नेपाली ब्यवसायीहरुको संस्था नेपाली ब्यवसायी संघ (NBA) जापानमाम दोस्रो अधिवेशनको तयारी अन्तिम…
लण्डन/ लण्डनको प्रतिष्ठित म्युजिक हलमा नेपाली गित र संगीतका बादसहा सबिन राई एण्ड फारोजको समर्पण…
तमुधीं जापानको आयोजनामा टोकियोमा बनभोज (BBQ) कार्यक्रम सम्पन्न टोकियो, जापानमा रहेका गुरुङ (तमु) हरु विच…