सातामा करिब साढे २ प्रतिशत घट्यो नेप्से, उपसमूहको परिसूचक पनि घट्यो?

यस साता नेप्से परिसूचक करिब साढे २ प्रतिशत घटेको छ। गत साता २८०१.५६ विन्दुमा बन्द भएको नेप्से, यस साता ६९.०५ अंक अर्थात २.४६ प्रतिशत घटेर २७३२.५१ विन्दुमा झरेको छ।

त्यसैगरी, यस दिन सेन्सेटिभ इण्डेक्स १.६४ प्रतिशत, फ्लोट इण्डेक्स २.७७ प्रतिशत र सेन्सेटिभ फ्लोट इण्डेक्स २.३८ प्रतिशत घटेको छ।

यस दिन नेप्सेसँगै कारोबार रकम पनि घटेको छ। गत साता दैनिक औषतमा ४ अर्ब ८८ करोड रुपैयाँको शेयर खरिदबिक्री भएको बजारमा यस साता ३ अर्ब ६३ करोडको मात्र कारोबार भएको छ। त्यसैगरी, यस साता औषत कुल शेयर संख्या २२.८९ प्रतिशत घटेको छ भने औषत कारोबार संख्या १८.२१ प्रतिशत घटेको छ।

यस साता कारोबार रकम पनि २ प्रतिशतभन्दा बढी घटेको छ। गत साताको अन्तिम कारोबार दिन ३९ खर्ब ५९ अर्ब रुपैयाँ रहेको नेप्सेको यस्तो पूँजीकरण, यस साता ८९ अर्ब रुपैयाँ घटेर ३८ खर्ब ७० अर्ब रुपैयाँ पुगेको छ।

यस साता १३ उपसमूहमध्ये अन्य उपसमूहको परिसूचकबाट अरु सबै उपसमूहको परिसूचक घटेको छ। यस साता अन्य उपसमूहको ०.७८ प्रतिशत बढेको छ। गत साता २३१३.२१ विन्दुमा रहेको यस उपसमूहको परिसूचक यस साता १८.०३ अंक बढेर २३३१.२४ विन्दुमा पुगेको छ।

यस साता उत्पादन तथा प्रशोधन उपसमूहको परिसूचक सर्वाधिक ५.८१ प्रतिशत घटेको छ। गत साता ७२८१.३४ विन्दुमा रहेको यस उपसमूहको परिसूचक यस साता ४२३.१५ अंक घटेर ६८५८.१९ विन्दुमा झरेको छ। अंकका आधारमा भने यस साता निर्जीवन बीमा उपसमूहको परिसूचक सर्वाधिक ४९४.९१ अंक घटेको छ।

फ्लोरसिट विश्लेषण गर्दा यस साता लक्ष्मी इक्विटी फण्ड, रिलायन्स लाइफ इन्स्योरेन्स, आशा लघुवित्त लगायतका कम्पनीहरु मोस्ट पपुलर बाइ स्टकको सूचीमा परेका छन्। त्यसैगरी, समता घरेलु लघुवित्त, मिर्मिरे लघुवित्त, ओरियन्टल होटल लगायतका कम्पनीहरु मोस्ट पपुलर सेल स्टकको सूचीमा परेका छन्।