वीरगञ्ज: पर्साको कालिकामाई गाउँपालिकामा २१ वर्षीय एक युवक गाउँपालिका अध्यक्षमा निर्वाचित भएका छन् । राष्ट्रिय जनता पार्टी (जसपा) बाट निर्वाचन लडेका बशिष्ट कुमार आफ्ना निकटतम् प्रतिद्वन्दी नेपाली कांग्रेसका ४२ वर्षीय अजयकुमारलाई १०८ मत अन्तरले पराजित गरेका हुन् ।
बशिष्ट कुमारले ३ हजार ७१९ मत ल्याए भने अजयकुमारले ३ हजार ६०५ मत ल्याए । उपाध्यक्षमा भने नेपाली कांग्रसकी राजमति बरैनी निर्वाचित भएकी छन् । उनले ३ हजार ९६१ मत ल्याइन् । जनता समाजवादी पार्टी (जसपा) की सहानी खातुनले ३ हजार ८३४ मत ल्याएर दोस्रो भइन् ।
दुई जना वडाध्यक्ष दोहोरिए
५ वटा वडा रहेको कालिकामाई गाउँपालिकामा ०७४ सालमा फोरमले २, कांग्रेस, जनता दल र माओवादीले १/१ वटा वडा अध्यक्ष जितेको थियो । यसपटक जसपा ३, कांग्रेस एमाले १/१ वडामा जित निकाल्न सफल भएका छन् ।
वडा नं १ मा जनता समाजवादी पार्टीका लालबाबु राउत बरै १४१८ मत ल्याएर विजयी भएका छन् । ०७४ मा यो वडामा कांग्रेसका शिवनाथ राउत थारु विजयी हुँदा लालबाबु दोस्रो भएका थिए ।
वडा नं २ र ३ मा पुरानौ वडा अध्यक्ष दोहोरिएका छन् । २ मा एमालेका सोनालालप्रसाद चौरसिया (५७२) विजयी हुँदा ३ मा जसपाका सञ्जय कुमार पटेल (६५०) पूनः निर्वाचित भएका छन् । चौरसिया ०७४ मा नेपाली जनता दलबाट निर्वाचित भएका थिए ।
वडा नं ४ मा नेपाली काँग्रेसका सञ्जय कुमार साह ७६९ मत ल्याएर विजयी भएका छन् । उनले निवर्तमान वडा अध्यक्ष जनता समाजवादी पार्टीका हरिओमकुमार शाहलाई पराजित गरेका हुन् ।
०७४ को स्थानीय तह निर्वाचनमा हरिओमले सञ्जयलाई पराजित गरेका थिए । वडा नं ५ मा जसपाका जय नारायण प्रसाद कुर्मी (७६६) मत ल्याएर विजयी भएका छन् , ०७४ को निर्वाचनमा कुर्मी माओवादी केन्द्रका पवन तिवारीसँग पराजित भएका थिए ।
काठमाडौँ – नेकपा एमालेका नेता तथा पूर्वमन्त्री शेरबहादुर तामाङले धरहराको सञ्चालनको सम्पूर्ण जिम्मा काठमाडौँ महानगरलाई…
काठमाडौं, पाँचौ मिस्टर काठमाडौं शारीरिक सुगठनका विजेता प्रकाश राईको निधन भएको छ । गत शनिबारमात्र…
टोकियो । जापानमा नेपाली ब्यवसायीहरुको संस्था नेपाली ब्यवसायी संघ (NBA) जापानमाम दोस्रो अधिवेशनको तयारी अन्तिम…
लण्डन/ लण्डनको प्रतिष्ठित म्युजिक हलमा नेपाली गित र संगीतका बादसहा सबिन राई एण्ड फारोजको समर्पण…
तमुधीं जापानको आयोजनामा टोकियोमा बनभोज (BBQ) कार्यक्रम सम्पन्न टोकियो, जापानमा रहेका गुरुङ (तमु) हरु विच…