गठबन्धन संकटमा परेका देउवा–प्रचण्ड भेट, निर्णायक बैठक ५ बजेलाई सर्‍यो

काठमाडौं । प्रधानमन्त्री एवं नेपाली कांग्रेसका सभापति शेरबहादुर देउवा र (माओवादी केन्द्र)का अध्यक्ष पुष्पकमल दाहाल ‘प्रचण्ड’बीच बिहीवार बिहान भेटवार्ता भएको छ ।

अमेरिकी आर्थिक सहयोग कार्यक्रम मिलेनियम च्यालेन्ज कम्प्याक्ट (एमसीसी) अनुमोदनको विषयलाई लिएर गठबन्धन टुट्ने आशंकाबीच दुई नेताबीच छलफल भएको हो । दुई नेताको छलफलपछि दिउँसो ३ बजेका लागि बोलाइएको गठबन्धनको बैठक ५ बजेका लागि सारिएको प्रचण्डको सचिवालयले लोकान्तरलाई जानकारी दियो ।

गठबन्धनमा सहमति नगरी सरकारले एकतर्फी ढंगले एमसीसी अगाडि बढाउन खोजेको भन्दै माओवादीले सरकार छाड्ने चेतावनी दिइसकेको छ । बिहीवारको भेटमा पनि प्रचण्डले एमसीसीलाई निर्वाचनभन्दा पछाडि सार्न प्रस्ताव गरेका थिए ।