ब्राजिलमा पहिरो र भलबाढीका कारण कम्तीमा ९४ जनाको मृत्यु

पहाडी बजारका घरहरु पहिरोले बगाएको तथा बाढीको भेलले सडकमा रहेका कारहरु सँगै लगेको थियो।

पेत्रोपोलिस सहरका मेयरले आपतकालीन अवस्था घोषणा गरेका छन्। पहिरो तथा बाढीको लेदोमा पुरिएकाहरुको खोजी तथा उद्धारको काम जारी रहेको छ। २४ जनाको जीवितै उद्धार गरिएको ब्राजिलको नेशनल सिभिल डिफेन्सले जनाएको छ। खोजी तथा उद्धारका लागि १८० जनाभन्दा बढी सैनिक रहेको विशेष टोली बनाइएको छ।

हाल रुसको भ्रमणमा रहेका राष्ट्रपति जायर बोल्सोनारोले प्रभावितहरुका लागि तत्काल राहतको व्यवस्था गर्ने बताएका छन्।