झापामा ४६ जना स्वतन्त्र उम्मेदवार प्रतिष्पर्धामा उत्रिएका, कसलाई कुन चिन्ह ?

झापा,  आगामी मंसिर ४ गतेको प्रतिनिधिसभा तथा प्रदेशसभा निर्वाचनका लागि झापामा ४६ जना स्वतन्त्र उम्मेदवार चुनावी मैदानमा उत्रिएका छन् ।प्रतिनिधिसभातर्फ २९ र प्रदेशसभातर्फ १७ जना उम्मेदवार बनेका हुन् । प्रतिनिधिसभातर्फ सबैभन्दा बढी स्वतन्त्र उम्मेदवार झापा क्षेत्र नं ५ मा खडा भएका छन् ।

त्यहाँ दुईजनाले उम्मेदवारी फिर्ता लिएपनि १२ जना स्वतन्त्र उम्मेदवार चुनावी प्रतिष्पर्धामा उत्रिएका छन् । प्रतिनिधिसभा र प्रदेशसभा निर्वाचनमा उम्मेदवारी दिने स्वतन्त्र उम्मेदवारहरुले चुनाव चिन्ह पाइसकेका छन् ।

धेरैले जेब्रा चिन्ह रोजेका छन् । स्वतन्त्र उम्मेदवारहरुले निम्न अनुसारको चुनाव चिन्ह पाएका छन् । प्रतिनिधिसभातर्फ क्षेत्र नं १ मा केन्द्रकुमारी दाहाल –महिला, विदुरकुमार खतिवडा–क्रस खुकुरी , क्षेत्र नं २ मा कुमार भट्टराई–चापाकल ,खेमराज दाहाल– पुतली , चेतकुमार खनाल–ट्राफिक प्रहरी , भद्रप्रसाद नेपाल–क्रस खुकुरी ,राजकुमार तामाङ–माछा , क्षेत्र नं ३ मा डम्बरबहादुर गिरी –सूर्यमुखी फूल,प्रेमप्रसाद खनाल–क्रस खुकुरी , मनोरथ राजवंशी–चापाकल , क्षेत्र नं ४ मा कमलबहादुर पौडेल– सूर्यमुखी फूल , किरण श्रेष्ठ –सेलरोटीको चाङ , खुश्बु ओली –क्रस खुकुरी , नन्दराज राई– माछा , पूर्णकुमार लिम्बू– चेसबोर्ड ,लक्ष्मीनारायण खनाल– सेफ्टी पिन , क्षेत्र नं ५ मा इन्द्रमणि दाहाल– अर्ना , कल्पना लावती– क्रस खुकुरी ,केदारनाथ चापागाई– मुढा , तीर्थेश्वर चौधरी– त्रिभुज , तुलसीराम काफ्ले– सूर्यमुखी फूल , दीपककुमार पाठक– पुतली , भेषराज भट्टराई– क्यामरा , रामचन्द्र बानिया– ट्राफिक प्रहरी , रेवतीरमण खनाल–घण्टाघर , रोहितप्रसाद पौडेल– ग्यास सिलिन्डर , शान्ता अधिकारी – मुसो र सिताराम पोखरेलले चेसबोर्ड चुनाव चिन्ह पाएका छन् ।

त्यस्तै प्रदेशसभातर्फ क्षेत्र नं १(२) मा हिराप्रसाद पोखरेल–जेब्रा , २(१) मा राजु प्रसाई –जेब्रा ,२(२) मा अनिरुद्र तिम्सिना –जेब्रा , ३(१) मा जमालुद्धिन मिया –पानीको धारा , हेमलाल भट्टराई –जेब्रा , ३(२) मा त्रिलोचन मैनाली –जेब्रा , ४(१) मा मेहरमान बस्नेत– ड्रमसेट , रमेशप्रसाद आचार्य–जेब्रा , शान्तिराम न्यौपाने –जाँतो ,४(२)केहरसिंह बस्नेत –लालटीन ,जयप्रसाद चम्लागाई– बिजुलीको चिम ,५(१) मा इन्दीरादेवी दाहाल– उडिरहेको चिल ,लेखमाया श्रेष्ठ– झ्याली , ५(२) मा डम्बरबहादुर दाहाल–ब्याडमिन्टन कक , तीर्थ नेपाल– जेब्रा ,धिरज बज्राचार्य– आँखी झ्याल र मधु थापा मगरले लालटीन चुनाव चिन्ह पाएको जिल्ला निर्वाचन कार्यालयका सूचना अधिकारी प्रेम न्यौपानेले जानकारी दिए ।