सुरुङ्गा । झापा क्षेत्र नं ४ मा गठबन्धनका उम्मेदवार देउकुमार थेबेले कनकाई– ३ सुरुङ्गास्थित पाथीभरा देवीको मन्दिरमा वाचा गर्दै आफ्नो प्रतिवद्धतापत्र सार्वजनिक गरेका छन् ।
थेबेले आफूले नजित्दा समेत गरेका विकासको फेहरिस्त प्रस्तुत गर्दै जिताउँदा विकासको मुहान फुटाउने दावीसमेत गरे । आफू सांसदको भूमिकामा नहुँदा समेत सत्तामा रहनेभन्दा दोब्बर काम गरेको उनको दावी छ ।
थेबेले कनकाई ३ को रोडपारीको क्षेत्रमा मात्रै आफ्नै पहलमा इलाकाप्रहरी कार्यालयको भवनका लागि बजेट परेको, सुधिर मार्गको स्तर उन्नति र कालोपत्रेका लागि ५० लाख रुपैँया बजेट छुट्टिएको, धनुषकोटी क्षेत्रमा तटबन्धदेखि लिएर छठ पुजाका लागि समेत बजेट विनियोजन गरिएको दावी गरे ।
‘मैले हार्दा त्यतिका रकम विनियोजन गरे भने जित्दा झापा ४ का जनतालाई केपीजीले दमकमा त्यहाँका जनतालाई गरेको विकासभन्दा चार दोब्बर काम गरेर देखाउँछु’उनले भने ‘म हार्दा पनि जित्दा पनि तपाईहरुकै गाउँघरमा भेटिनेछु यो मेरो वाचा भयो। ’ आफूलाई यस क्षेत्रमा बाढी आउँदा र घाम लाग्दा सन्काह खोलाको रुप कस्तो हुन्छ भन्ने कुराको राम्रो व्यवहारिक ज्ञान भएको भन्दै मतदान गर्न आग्रह गरे ।
संचारकर्मी मनोज बस्नेतले संचालन गरेको कार्यक्रममा झापा क्षेत्र नम्बर ४ का प्रदेशसभाका उम्मेदवार एकराज उप्रेती, स्थानीयवासीका तर्फबाट विज्ञान संग्रौलालगायतले आ–आफ्नो धारणा राखेका थिए । कार्यक्रममा कांग्रेस नगर सभापति दुर्गा प्रसाई, माओवादी कनकाई नगर अध्यक्ष यामनाथ सेडाई, नेकपा एसका कनकाई नगर अध्यक्ष प्रतिक राजवंशी , संयुक्त प्रचार समितिका संयोजक जयनारायण शाहलगायतको आतिथ्यता रहेको थियो ।
कार्यक्रमको सभापतित्व कांग्रेसका कनकाई –२ का सभापति बुद्धिमान बोहोराले गरेका थिए । शनिवार थेबले कनकाई १ र २ का आधा दर्जन स्थानमा घरदैलोसहित कोणसभा गरेका छन् ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…