६ वर्षीया बालिका बलात्कृत

पर्सा: वीरगञ्ज महानगरपालिकामा ६ वर्षीया बालिका बलात्कृत भएकी छन् । बालिकालाई जवरजस्ती करणी गरेको आरोपमा एक पक्राउ परेका छन् ।

प्रहरीले बालिका करणी गरेको आरोपमा बारा प्रसौनी गाउँपालिका वडा नं.५का पलट चौधरीलाई पक्राउ गरेको हो । उनीमाथि वालिका खेल्न आएको मौका छोपी आफू बस्ने गरेको घरको कोठाभित्र लगी बालिकालाई जबरजस्ती करणी गरेको आरोप रहेको जिल्ला प्रहरी कार्यालय पर्साले जनाएको छ ।

पीडित बालिकाका अभिभावकले किटानी जाहेरी दिएपछि उनी पक्राउ परेका हुन् । उनीमाथि जबरजस्ती करणी सम्बन्धी कसूरमा अनुसन्धान भइरहेको प्रहरीले जनाएको छ।