काठमाडौँ: रुसले युक्रेनको राजधानी किभमा पुन: आक्रमण तीव्र बनाएको छ । फेब्रुअरी २४ देखि सुरु भएको रुस-युक्रेन द्वन्द्व केही दिन मत्थर भएजस्तो देखिए पनि बिहीबारदेखि भने पुन: बढेको छ । अमेरिकी राष्ट्रपति जो बाइडेनलगायतका विश्वका नेताले रुसी सेनाले युक्रेनमा नरसंहार मच्चाएको अभिव्यक्ति दिइरहेका बेला रुसले भने आक्रमण बढाएको छ ।
शुक्रबार रुसले किभमा मिसाइललगायतका हतियार उत्पादन गर्ने कारखानामा आक्रमण गरेको छ । रुसी रक्षा मन्त्रालयले राजधानी किभमा मिसाइल आक्रमण गरेको जनाएको छ । रुसले आक्रमण अझै बढ्न सक्ने चेतावनीसमेत दिएको छ । एक दिन पहिले युक्रेनले रुसको मोस्कवा युद्धपोतमा आक्रमण गरेको जनाएको थियो ।
रुसले भने युक्रेनी आक्रमणबाट नभई आगलागीपछि युद्धपोतमा विस्फोट भएको थियो । युक्रेनले उक्त युद्धपोत डुब्दैछ समेत भनेको थियो । पछि उक्त युद्धपोत समुद्रमा डुबेको समेत थियो । रुसी इतिहास र दोस्रो विश्व युद्धका जानकारसमेत रहेका प्राध्यापक इभान माड्स्लेका अनुसार दोस्रो विश्व युद्धपछि पहिलो पटक रुसी युद्धपोत डुबेको हो । यसअघि करिब ८१ वर्ष पहिले क्रिमियाको तटीय क्षेत्रमा जर्मनीले रुसी युद्धपोत ध्वस्त बनाएको थियो । प्राध्यापक इभानका अनुसार मोस्कवा युद्धपोत ४० वर्ष पुरानो हो । रुसी जलसेनासँग भएको युद्धपोतमध्ये उक्त युद्धपोत ठूलो मानिन्छ ।
युक्रेनी सञ्चारमाध्यम द किभ इन्डिपेन्डेन्टका अनुसार उद्धार गरिरहेको बसमा रुसी आक्रमणबाट ७ जनाको मृत्यु भएको छ भने २७ जना घाइते भएका छन् ।
शुक्रबार रुसी आक्रमणको ५०औं दिन पुगेको छ । संयुक्त राष्ट्र संघका अनुसार अहिलेसम्म १ करोडले युक्रेन छाडिसकेका छन् । पोल्यान्डमा मात्रै २७ लाखले युक्रेनी नागरिक पोल्यान्ड पुगेका छन् ।
काठमाडौँ । नेपाल अटोमोबाइल इम्पोर्टर्स एन्ड म्यान्युफ्याक्चरर्स एसोसिएसन (नाईमा) ले गत भदौ २३ र २४…
टोकियो - पछिल्लो समयमा नेपालमा खासगरी युवा पुस्तामाझ अत्यधिक रुचाईएको साँगीतिक 'ब्याण्ड सज्जनराज वैद्य' को…
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…