श्रीलंकाका राष्ट्रपति राजापाक्षे भागेकै हुनत !

कोलम्बो: श्रीलंकामा चर्को विरोध प्रदर्शनपछि माल्दिभ्सको राजधानी माले पुगेका निवर्तमान राष्ट्रपति गोटाबाया राजापाक्षे आज सिंगापुर प्रस्थान गरेका छन्।

राजपक्षेले माल्दिभ्स छाडेर साउदी एयरलाइन्सबाट सिंगापुर प्रस्थान गरेको बीबीसीले जनाएको छ । उनी सिंगापुर नै बस्छन् या के गर्छन् अझै टुंगो लागेको छैन ।

राजापाक्षे, श्रीमती इओमा राजपाक्षे र दुई सुरक्षा अधिकारीहरू हिजो राति मालेबाट सिंगापुरका लागि सिंगापुर एयरलाइन्सको विमान चढ्ने तयारीमा थिए तर सुरक्षा चिन्ताका कारण सो कार्यक्रम स्थगित भएको थियो ।

७३ वर्षीय गोटाबाया राजापाक्षे जुलाई ९ मा प्रदर्शनकारीको भीडले निवासमा आक्रमण गरेपछि लुकेर बसेका थिए । विकसित घटनाक्रमलाई सहजरूपमा सम्बोधन गर्न नसकेपछि उनले बुधबार राजीनामा बुझाउने घोषणा गरेका थिए।