जाल्पा लघुवित्तको कतिमा भयो पहिलो कारोबार?

फागुन ३० गते, सोमबार स्पेशल प्रि ओपन सेसनमा जाल्पा लघुवित्त वित्तीय संस्था लिमिटेड (JALPA) को पहिलो कारोबार भएको छ।

यस दिन सो सेसनमा लघुवित्तको शेयर प्रति कित्ता ३१८ रुपैयाँ ६० मा पहिलो कारोबार भएको हो।

लघुवित्तले सर्वसधारणहरुलाई वितरण गरेको ५ लाख २२ हजार कित्ता र संस्थापकहरुले लगानी गरेको १० लाख ८७ हजार कित्ता गरी कुल १६ लाख कित्ता शेयर गत शुक्रबार नेप्सेमा सूचीकृत भएको थियो।

लघुवित्तको शेयरलाई नेप्सेले प्रतिकित्ता न्युनतम १६४ रुपैयाँ ६० पैसा देखि ४९३ रुपैयाँ ८० पैसा ओपनिङ्ग रेन्ज प्रदान गरिएको थियो भने जेएएलपीए कारोबार संकेत प्रदान गरेको थियो।

फागुन २९ गते आइतबार, स्पेशल प्रि ओपन सेसनमा पहिलो कारोबार नभएपछि सो दिन नियमित बजारमा कारोबार हुन सकेको थिएन।