बिर्तामोड , झापामा ६५ प्रतिशत मत खसेको जिल्ला निर्वाचन कार्यालयले जनाएको छ ।
बिहान ७ बजे शुरु भएर निर्धारत समय साँझ ५ बजेसम्म त्यति मत खसेको निर्वाचन कार्यालय प्रमुख तुलसीकुमार नेपालले बताए । उनले बिर्तामोड नगरपालिका वडा नं ४ अन्तर्गत पुरानो बिजुली अफिस मतदान केन्द्रमा मतदान स्थगित भएकोले त्यहाँको मत प्रतिशत नआएको बताए । मतदानको निर्धारित समय सकिनै लाग्दा साँझ ४.४५ बजे त्यहाँ मतदान स्थगित भएको हो । मतदान अधिकृतले हस्ताक्षर नगरेको मतपत्र मतदातालाई दिइएपछि विवाद भएको हो । अन्य मतपत्रमा पनि हस्ताक्षर नभएको आशंका गर्दै मतदान स्थगित गरिएको नेपालले बताए ।त्यस विषयमा छलफल भइरहेको उनले जानकारी दिए ।
जिल्लाभर मतदान शान्तिपूर्ण सम्पन्न भएको उनले बताए । झापामा ६ लाख ४६ हजार २३४ जना मतदाता रहेका छन् । उनीहरुको लागि २८६ मतदानस्थल र ७५५ मतदान केन्द्र व्यवस्था गरिएको थियो ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…