बिर्तामोडको पुरानो बिजुली अफिस वडा नं ४ मतदान केन्द्रमा मतदान स्थगित

 बिर्तामोड नगरपालिका वडा नं ४ अन्तर्गत पुरानो बिजुली अफिस मतदान केन्द्रमा मतदान स्थगित भएको छ ।

मतदानको निर्धारित समय सकिनै लाग्दा त्यहाँ मतदान स्थगित भएको हो । मतदान अधिकृतले हस्ताक्षर नगरेको मतपत्र मतदातालाई दिइएपछि विवाद भएको हो ।

अन्य मतपत्रमा पनि हस्ताक्षर नभएको आशंका गर्दै मतदान स्थगित गरिएको जिल्ला निर्वाचन कार्यालयका प्रमुख तुलसी नेपालले बताए ।त्यस विषयमा छलफल भइरहेको उनले जानकारी दिए । उनले समग्र झापा जिल्लामा ६५ प्रतिशत मत खसेको जानकारी दिए ।