चितवनमा ६० प्रतिशत मत खस्यो,अर्थात् करिब दुई लाख ३८ हजार मत

चितवन – चितवनमा अहिलेसम्म ६० प्रतिशत अर्थात् करिब दुई लाख ३८ हजार मत खसेको जिल्ला निर्वाचन कार्यालयका प्रमुख भीमसेन कार्कीले जानकारी दिएका छन् । उनकाअनुसार जिल्लाका सबै मतदान केन्द्रहरुमा शान्तिपूर्ण रुपमा मतदान भइरहेको छ ।

निर्धारित समय साँझ ५ बजेसम्ममा जिल्लामा ७० प्रतिशत मत खस्ने अनुमान रहेको उनले जानकारी दिए। ‘कुनै केन्द्रमा ६५ प्रतिशत मत पनि खसिसकेको छ। केहीमा ५५ प्रतिशतको हाराहारीमा पनि मत खसेको छ’, उनले भने। ५ बजेभित्र मतदान स्थलभित्र प्रवेश गरेका मतदाताले मतदान गर्न पाउने उनले बताए ।

चितवनमा तीन लाख ९७ हजार ६८५ मतदाता छन्। १६१ वटा मतदान स्थल र ४५१ मतदान केन्द्र छन्। प्रायः गरेर विद्यालयलाई नै मतदान स्थलका रुपमा प्रयोग गरिएको छ ।

गठबन्धनले ‘चिट आतंक’ मच्चाएपछि मतदान केन्द्रहरुको अनुगमन गरी चिट नियन्त्रणमा कडाइ गर्न निर्देशन दिइएको उनले बताए ।