जारी मतदानमा दिउँसो दुई बजेसम्म देशभर ४१ प्रतिशत मतदान सम्पन्न

काठमाडौँ- स्थानीय तह सदस्य निर्वाचन २०७९ अन्तर्गत जारी मतदानमा दिउँसो दुई बजेसम्म देशभर ४१ प्रतिशत मतदान सम्पन्न भएको निर्वाचन आयोगले जनाएको छ ।

आयोगका प्रवक्ता शालिग्राम शर्मा पौडेलले प्रेस विज्ञप्ति जारी गरेर देशभर ४१ प्रतिशत मत खसेको प्रारम्भिक तथ्यांक प्राप्त भएको जानकारी दिएका हुन् ।

कपिलवस्तुको महाराजगञ्ज नगरपालिका र दाङको तुलसीपुर उपमहानगरपालिका वडा नम्बर १७ बाहेक सबै मतदान केन्द्रमा बिहान ७ बजेदेखि छिटपुट घटना बाहेक शान्तिपूर्ण तथा उत्साहजनक रुपमा मतदान भइरहेको आयोगले जनाएको छ ।