काठमाडौँ: प्रधानमन्त्री शेरबहादुर देउवा, नेकपा (माओवादी केन्द्र)का अध्यक्ष पुष्पकमल दाहाल, नेकपा (एकीकृत समाजवादी)का अध्यक्ष माधवकुमार नेपाल लगायतका नेता र मन्त्रीहरु भारतको विदेश मन्त्रालयमा सचिव पदमा नियुक्त भएपछि आफ्नो कार्यकालको बीचमै स्वदेश फर्कन लागेका नेपालका लागि भारतीय राजदूत विनयमोहन क्वात्राले मंगलबार दिने बिदाई रात्रीभोजमा सहभागी हुन भारतीय राजदूतावास गएका छन् ।
सत्ता गठबन्धनको बालुवाटारमा बैठक सकेपछि प्रधानमन्त्री देउवा, दाहाल र नेपाल लगायतका नेता सिधै लैनचौरस्थित राजदूतावास गएका थिए । गठबन्धनले बालुवाटारमा स्थानीय तह चुनावमा तालमेलको मोडालिटी तय गरेको थियो ।
राजदूतावासमा प्रधानमन्त्री देउवा करिब आधा घण्टा बसेर फर्केको सुरक्षा स्रोतले जानकारी दिएको छ । राजदूतावासमा गृहमन्त्री बालकृष्ण खाँण लगायतका मन्त्री र विभिन्न दलका नेताहरु सहभागी थिए ।
रात्रिभोजमा प्रमुख प्रतिपक्षी दलका नेता केपी शर्मा ओली भने सहभागी भएनन् । तर एमाले उपाध्यक्ष सुवास नेम्वाङ भने लैनचौर पुगेका थिए । क्वात्राले मंगलबार दिउँसो नै परराष्ट्रमन्त्री नारायण खड्का र गृहमन्त्री खाँणलाई सिंहदरबारमा पुगेर बिदाई भेट गरेका थिए ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…