वीरेन्द्रनगर: कर्णाली प्रदेश सरकारले प्रदेश र जिल्लाका उत्कृष्ट दुई उद्यमीलाई सम्मान गरेको छ । चालु आर्थिक वर्षमा प्रदेशभर उत्कृष्ट काम गर्ने उद्यमीलाई दुई लाख र सुर्खेत जिल्लामा राम्रो काम गर्ने उद्यमीलाई एक लाख रुपैयाँ नगदले सम्मान गरिएको हो ।
उद्योग तथा उपभोक्ता हित संरक्षण निर्देशनालयमा आइतबार आयोजित कार्यक्रममा उद्योग, पर्यटन वन तथा वातावरणमन्त्री छिरिङ डम्डुल लामा कार्चेनले उद्यमीलाई नगदसहित सम्मान गरेका हुन् । सम्मानित हुनेहरुमा प्रदेशभर उत्कृष्ट काम गरी कुशे गाउँपालिका–८ स्थित जलजला नेपाली हाते कागज उद्योगका सञ्चालक मानबहादुर थापा र सुर्खेतबाट ग्लोबल च्याउ तथा कृषि उद्योगका सञ्चालक वसन्तीकुमारी अधिकारी छन् । उनीहरुलाई नगद दुई लाख र एक लाख रुपैयाँसहित सम्मान पत्रले सम्मान गरिएको हो ।
कार्यक्रममा बोल्दै मन्त्री लामाले कर्णालीका उद्यमीहरुलाई तालिमसहित आवश्यक उपकरणको व्यवस्था गरिदिने बताए । तालिम प्राप्त गरी उत्कृष्ट काम गर्नेलाई सरकारले सम्मान गर्ने उनको भनाइ छ । आगामी बजेटमा उद्यमीमैत्री कार्यक्रम र सहुलियतमा ऋण दिने व्यवस्था प्रदेश सरकारले गर्ने मन्त्री लामाले जनाए ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…