काठमाडौं: नेकपा फुटेपछि औपचारिक रुपमा कुनै दलमा प्रवेश नगरिसकेका तर माधव कुमार नेपाल नेतृत्वको नेकपा एकीकृत समाजवादी निकट रहेर सक्रियता देखाउदै आएका पूर्व उपप्रधानमन्त्री वामदेव गौतम यसपटक भोट नहाल्ने भएका छन् ।
गौतमले यो पटकको स्थानीय तह निर्वाचनमा माधव नेतृत्वको नेकपा एसमा पनि मतदान नगर्ने भएका हुन् । नेकपा एमाले छाडेर पार्टी एकता राष्ट्रिय अभियान चलाउँदै आएका गौतम एमाले विभाजन भएसँगै राजनीतिमा सक्रिय छैनन् ।
उनले आफू ‘न्युट्रल’ बसेकाले यो पटक मतदान पनि नगर्ने बताए । गौतमले न्युट्रल बताएपनि उनी अप्रत्यक्ष रुपमा नेकपा एसका लागि काम गर्दै आएका छन् । उनले नेकपा एसको चुनावी गीत लेख्नुका साथै पार्टीका अन्य गतिविधीमा पनि संलग्न रहदै आएका छन् ।
बर्दियाको बाँसगढी नगरपालिका वडानम्बर १ को मतदाता रहेका गौतमले भने, ‘म केही समयदेखि राजनीतिमा न्युट्रल बस्दै आएको छु, अहिले पनि त्यसै गर्छु, त्यसैले यो पटक मतदान गर्दिनँ ।’ गौतम राष्ट्रिय सभा सदस्य समेत हुन् ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…